24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
Հունիսի 7-ի ԱԺ ընտրություններից 30 օր առաջ ընտրողների ռեգիստրում ընդգրկված է 2 մլն 482 հազար 872 ընտրող
Հասարակություն
08.05.2026 | 17:10
Միգրացիայի և քաղաքացիության ծառայությունը հրապարակել է հունիսի 7-ին կայանալիք ՀՀ Ազգային ժողովի ընտրություններից 30 օր առաջ ընտրողների ռեգիստրում ընդգրկված քաղաքացիների թիվը։ Ըստ հրապարակված տվյալների՝ ընտրողների ընդհանուր թիվը կազմում է 2 մլն 482 հազար 872, որից 586-ը ընդգրկված են ըստ գտնվելու վայրի ընտրական տեղամասերում, իսկ 16-ը հաշվառում չունեցող ընտրողներ են։
««ՀՀ ընտրական օրենսգիրք» սահմանադրական օրենքի 8-րդ հոդվածի 7-րդ մասի համաձայն՝ Ազգային ժողովի ընտրությունների ժամանակ` քվեարկության օրվանից առաջ 30-րդ, 20-րդ և 10-րդ օրը, բնակչության պետական ռեգիստրը վարող ՀՀ կառավարության կողմից լիազորված պետական կառավարման մարմինը հրապարակում է Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը` նշելով նաև ըստ գտնվելու վայրի ընտրողների, նախընտրած վայրի ընտրողների և հաշվառում չունեցող ընտրողների թիվը:
2026թ․ հունիսի 7-ին կայանալիք Ազգային ժողովի ընտրությունների օրվանից առաջ 30-րդ օրվա դրությամբ Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը կազմել է 2.482.872, որից՝
➡ըստ գտնվելու վայրի ընտրական տեղամասերում ընդգրկված ընտրողների թիվը՝ 586,
➡հաշվառում չունեցող ընտրողների թիվը՝ 16»,- ասված է հաղորդագրությունում։
