07.08.2026 | 15:13
Կառուցվածքային փոփոխություններ ՀՀ քննչական կոմիտեում
Տեղ համայնքն ինչի՞ է միավորվում Գորիսին, ժողովուրդը համաձայն չի․ բնակիչը՝ Փաշինյանին․ ՏԵՍԱՆՅՈՒԹ
Քաղաքականություն
08.05.2026 | 17:44
Սյունիքի մարզ կատարած այցի շրջանակներում ՀՀ վարչապետ Նիկոլ Փաշինյանը հանդիպել է Տեղ խոշորացված համայնքի բնակիչների հետ։ Հանդիպման առանցքում համայնքների հետագա խոշորացման և Տեղը Գորիս համայնքին միավորելու հարցն էր։
«Տեղ համայնքը ինչի՞ համար է վերամիավորվում Գորիս համայնքին։ Ժողովուրդը համաձայն չի, ես դրա համար եմ ասում։ Վերջին հինգ տարիների ընթացքում, պարոն վարչապետ, Տեղ համայնքում մի շարք աշխատանքներ են իրականացվել»,- ասաց բնակիչը։
Վարչապետն ընդգծեց, որ խոշորացման հիմնական նպատակը ֆինանսական միջոցների ավելի մեծ գեներացումն ու սուբվենցիոն խոշոր ծրագրերի իրականացումն է։ Նրա խոսքով՝ փոքր համայնքները հաճախ չունեն բավարար բյուջե՝ պետական ծրագրերի համաֆինանսավորմանը մասնակցելու համար։
Որպես հաջողված օրինակ Փաշինյանը մատնանշեց Տավուշի մարզի փորձը, որտեղ համայնքները խոշորացվել են նախկին շրջանների սահմաններով։
Արձագանքելով քաղաքացու այն դիտարկմանը, թե «ժողովուրդը համաձայն չէ խոշորացմանը», վարչապետը նշեց. «Մենք, իհարկե, ըստ Սահմանադրության պետք է խորհրդակցենք մարդկանց հետ, բայց այդ կարծիքը խորհրդատվական բնույթ ունի։ Որոշումը կարող են կայացնել Կառավարությունն ու Ազգային ժողովը։ Ես չեմ ուզում սեթևեթել՝ մենք այդ որոշումն արդեն կայացրել ենք և պետք է գնանք այդ ճանապարհով»։
Մանրամասները՝ տեսանյութում։
