24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
Բալահովիտում ՔՊ շտաբի պետի ներկայությամբ հնչած կրակոցների գործով 4-րդ անձին է մեղադրանք ներկայացվել․ նա կալանավորվել է
Հասարակություն
08.05.2026 | 10:56
«Քաղաքացիական պայմանագիր» կուսակցության Բալահովիտի շտաբի պետ Գևորգ Սարգյանի հետ կապված միջադեպով 4-րդ անձին է մեղադրանք ներկայացվել։ Քննչական կոմիտեից մեղադրյալի անունը չեն հայտնում, սակայն նշում են, որ նա մեղադրվում է սպանության փորձին օժանդակելու համար, միջնորդություն է ներկայացվել նրան կալանավորելու վերաբերյալ, որը բավարարվել է։
Factor TV-ի տեղեկություններով՝ մեղադրյալի անունը Հրաչյա Ստեփանյան է։ Մեզ հայտնի է նաև, որ գործով անցնող մյուս երեք անձինք Հայաստան են եկել Բելառուսից, իսկ կալանավորված Հրաչյա Ստեփանյանի վերաբերյալ այս պահին այլ տեղեկություններ չունենք։
Հիշեցնենք՝ Factor TV-ն գրել էր այն մասին, որ օրեր առաջ «Քաղաքացիական պայմանագիր» կուսակցության Բալահովիտի շտաբի պետ Գևորգ Սարգյանի հետ կապված միջադեպ է տեղի ունեցել։
Այն պահին, երբ նա դուրս է եկել ավտոլվացման կետից և սկսել է մեքենան վարել, մեկ այլ մեքենա հարևանությամբ կանգառ է արել, դրա մեջ գտնվող անձը, պատուհանի ապակին իջեցրելով, բղավել է ու երկու անգամ կրակել է օդ։ ՔԿ-ից մեզ հայտնել էին, որ դեպքի առթիվ քրեական վարույթ է նախաձեռնվել սպանության փորձի հատկանիշներով։
Արաքս Մամուլյան
