13.10.2026 | 23:30
«Կազիմիր Պուլասկի» հիմնադրամի նախագահի հետ քննարկվել են փոխգործակցության հարցեր
Ցանկացած հարցում պետք է Երևանն ու Բաքուն պայմանավորվեն. Մարիա Զախարովան՝ Ադրբեջանի նախաձեռնության մասին
Քաղաքականություն
22.11.2018 | 16:22
Ռուսաստանը կողջունի ցանկացած նախաձեռնություն՝ ուղղված ղարաբաղյան հակամարտության կարգավորմանը, սակայն հակամարտության կողմերն իրենք պետք է համաձայնության հասնեն: «Սպուտնիկի» փոխանցմամբ՝ այս մասին այսօր՝ նոյեմբերի 22-ին տեղի ունեցած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով գերիների փոխանակման առնչությամբ Ադրբեջանի նախաձեռնությանը:
«Մոսկվան կսատարի կողմերի ցանկացած համաձայնություն, որոնք ուղղված կլինեն հիմնական խնդրին՝ հակամարտության կարգավորմանը: Սակայն պայմանավորվածությունները ենթադրում են փոխադարձ համաձայնություն: Նախաձեռնությունը կարելի է ողջունել, բայց այն պետք է իրականացվի միայն բոլոր կողմերի համաձայնությամբ»,- նշել է Զախարովան:
Նշենք, որ ավելի վաղ Ադրբեջանը Հայաստանին առաջարկել էր գերիներին փոխանակել «բոլորին՝ բոլորի հետ» սկզբունքով: Պաշտոնական Երևանն էլ հայտարարում է, որ Հայաստանում ադրբեջանցի ռազմագերիներ չկան, այլ կան դիվերսանտներ:
ՌԴ ԱԳՆ խոսնակը նաև աջակցություն է հայտնել Հայաստանի և Ադրբեջանի ԱԳՆ ղեկավարների հերթական հանդիպում կազմակերպելուն: Զոհրաբյան-Մամեդյարով հանդիպումը կարող է տեղի ունենալ դեկտեմբերին Միլանում, ԵԱՀԿ ԱԳ նախարարների խորհրդի նիստի շրջանակում:
