14.07.2026 | 17:22
Եվրախորհրդարանում Բաքվում պահվող հայ գերիների հետ կապված համաժողով է ընթանում
Mercedes CLS-ի 19-ամյա վարորդը երկու ամսով տնային կալանքի տակ կլինի
Հասարակություն
07.05.2026 | 11:29
Տրանսպորտային միջոցներ վարելու իրավունքը կասեցված 19-ամյա Վարդան Մարկոսյանի նկատմամբ խափանման միջոց է կիրառվել երկու ամիս ժամկետով տնային կալանքը: Այս մասին Factor.am-ին հայտնեց ՔԿ մամուլի քարտուղար Կիմա Ավդալյանը:
Նշենք, որ նրա նկատմամբ հանրային քրեական հետապնդում էր հարուցվել միանգամից 3 հոդվածով` ճանապարհային երթևեկության կանոնները խախտելու, կասեցված կարգավիճակով մեքենա վարելու և խուլիգանության:
Փորձել էր «նվաստացնել» Nissan-ի վարորդին, բայց վթարվեց․ 19-ամյա երիտասարդին ձերբակալել են. ՏԵՍԱՆՅՈՒԹ
Հավելենք, որ իր մասնակցությամբ վթարն անձամբ նկարահանած Վարդան Մարկոսյանի վարորդական իրավունքը կասեցված է եղել 6 ամսով․ 13 բալը զրոյացվել է բազմաթիվ խախտումների հետևանքով։ Վթարից հետո հրապարակված տեսանյութերում 19-ամյա երիտասարդը նշում է, որ հիպնոսացել է և չի հասկացել, թե ինչ է անում։
«Ուզում եմ իմանաք, որ ինչքան էլ լավ վարորդ լինեք, պետք չի տենց բաներ անեք, որովհետև ամեն ինչ չի ձեր ձեռը, հաստատ մի օր մի բան լինելու ա, ես ուղղակի հիպնոսացա, չհասկացա` ինչ եմ անում»,- պատմել է նա։
Արփի Հակոբյան
