26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Միկել Արտետա․ «Բոլորս միասին պատմություն կերտեցինք»
06.05.2026 | 11:52
Լոնդոնի «Արսենալի» գլխավոր մարզիչ Միկել Արտետան Չեմպիոնների լիգայի կիսաեզրափակիչի պատասխան խաղում Մադրիդի «Աթլետիկոյի» նկատմամբ նվազագույն հաշվով հաղթանակից ու եզրափակիչի ուղեգիր նվաճելուց հետո կիսվել է տպավորություններով։
«Անհավանական երեկո էր։ Մենք բոլորս միասին պատմություն կերտեցինք։ Ես երջանիկ եմ բոլոր նրանց համար, ովքեր ներգրավված էին այս ամենում։ Տրիբունաներն առանձնահատուկ կերպով էին աջակցում մեզ։ Այսօր մարզադաշտը յուրահատուկ էր։ Մենք հասկանում էինք, թե որքան կարևոր է դա յուրաքանչյուրի համար։ 20 տարվա ընթացքում մենք պատմության մեջ երկրորդ անգամ հասել ենք Չեմպիոնների լիգայի եզրափակիչ։
Այս մակարդակում յուրաքանչյուր մրցակից շատ բարդ է։ «Աթլետիկոն» անհավանական թիմ է, նրանք հիանալի պայքարեցին։ Յուրաքանչյուր իրավիճակում լուծում էին գտնում, յուրաքանչյուր մեր քայլին պատասխան ունեին։ Դիեգո Սիմեոնեն կատարել է հիանալի աշխատանք։ Հաշվի տարբերությունը նվազագույն էր, բայց այսօր այն մեր օգտին էր»,- իսպանացի մասնագետի խոսքը մեջբերում է ՈՒԵՖԱ-ի մամուլի ծառայությունը։
Հիշեցնենք, որ «Արսենալը» նախորդ անգամ Չեմպիոնների լիգայի եզրափակիչում խաղացել է 2006 թվականին։ Եզրափակիչի մյուս ուղեգիրը մայիսի 6-ին կվիճարկեն Մյունխենի «Բավարիան» ու ֆրանսիական ՊՍԺ-ն։ Կիսաեզրափակիչի առաջին խաղում Չեմպիոնների լիգայի գործող գավաթակիր ՊՍԺ-ն տնային հաղթանակ է տարել 5։4 հաշվով։
