06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Փաշինյանն ու Մակրոնը միասին հեռացան Գյումրիից «1» համարանիշով մեքենայով
Քաղաքականություն
05.05.2026 | 21:08
Գյումրիի Վարդանանց հրապարակում կայացած միջոցառումներից և ելույթներից հետո Ֆրանսիայի Հանրապետության նախագահ Էմանուել Մակրոնը և ՀՀ վարչապետ Նիկոլ Փաշինյանը հեռացան քաղաքից։
FactorTV-ի լրագրողի փոխանցմամբ՝ երկու երկրների ղեկավարները Գյումրիից հեռացել են միասին՝ նստելով ՀՀ վարչապետ Նիկոլ Փաշինյանին սպասարկող «1» համարանիշով ավտոմեքենան։
Տեսանյութում երևում է, թե ինչպես է ներկայացուցչական ավտոշարասյունը՝ խիստ հսկողության պայմաններում, անվտանգության աշխատակիցների և ոստիկանական մեքենաների ուղեկցությամբ, շարժվում Գյումրիի կենտրոնական փողոցներով։ Շարասյան գլխավոր մեքենայի վրա ամրացված են Հայաստանի և Ֆրանսիայի դրոշները:
Փողոցների երկայնքով հավաքված բազմաթիվ գյումրեցիներ հետևում էին բարձրաստիճան հյուրերի և նրանց ուղեկցող շարասյան մեկնմանը:
Հիշեցնենք, որ դրանից քիչ առաջ Ֆրանսիայի նախագահը Վարդանանց հրապարակում հանդես էր եկել հայ ժողովրդին և Գյումրիին ուղղված զորակցության և բարեկամության ջերմ խոսքերով։
