13.08.2026 | 21:15
«Ավելի լավ է չիմանամ՝ տունս ինչ վիճակում է»․ արցախցիները Բաքվից փոխհատուցում են պահանջում. ՏԵՍԱՆՅՈՒԹ
Սամվել Մայրապետյանի խափանման միջոցը չի փոխվի․ Գլխավոր դատախազությունը մերժել է միջնորդությունը
Հասարակություն
22.11.2018 | 13:41
Գլխավոր դատախազությունը մերժել է Սամվել Մայրապետյանի նկատմամբ կիրառված փախանման միջոց կալանավորումն անձնական երաշխավորությամբ փոփոխելու վերաբերյալ միջնորդությունը, որում որպես խափանման միջոցի փոփոխության հիմնական պատճառ ներկայացված է Սամվել Մայրապետյանի առողջական վատ վիճակի մասին տեղեկություն:
Այս մասին Factor.am-ը տեղեկացավ Գլխավոր դատախազության հանրային կապերի բաժնից։
«ՀՀ քրեական դատավարության օրենսգրքով սահմանվում է, որ քրեական դատավարության նույն փուլում կամ քրեական վարույթն իրականացնող նույն մարմնին միջնորդության և պահանջի կրկին ներկայացում հնարավոր է, եթե դրանք հիմնավորելու համար բերվում են նոր փաստարկներ, կամ քրեական դատավարության ընթացքում հաստատվել է դրանց բավարարման անհրաժեշտությունը: Մինչդեռ Ս. Մայրապետյանի խափանման միջոցի փոփոխման վերաբերյալ վերջինիս պաշտպանի կողմից ներկայացված նախորդ միջնորդության համեմատ նման նոր փաստարկներ չեն ներկայացվել»,– մեզ հետ զրույցում ասաց դատախազության հանրային կապերի պատասխանատու Արևիկ Խաչատրյանը։
