24.10.2026 | 12:06
Մալխաս Ամոյանը սենսացիոն պարտություն կրեց աշխարհի առաջնությունում. ՏԵՍԱՆՅՈՒԹ
Մարտին Գալստյանը վերընտրվեց ԿԲ նախագահի պաշտոնում
Հասարակություն
05.05.2026 | 15:10
Մարտին Գալստյանը վերընտրվել է ԿԲ նախագահի պաշտոնում։ Հաշվիչ հանձնախմբի նախագահ Նարեկ Բաբայանը ԱԺ նիստում ներկայացրել է Կենտրոնական բանկի նախագահի փակ՝ գաղտնի քվեարկության արդյունքները:
Հիշեցնենք՝ ԱԺ կանոնակարգ սահմանադրական օրենքի 145-րդ հոդվածի համաձայն՝ ԱԺ ֆինանսավարկային և բյուջետային հարցերի մշտական հանձնաժողովը ԿԲ նախագահի պաշտոնի համար առաջադրել էր «Քաղաքացիական պայմանագիր» խմբակցության կողմից առաջադրված Մարտին Գալստյանի թեկնածությունը:
«ԱԺ 107 պատգամավորներից քվեարկությանը մասնակցել է 69-ը: Քվեատուփում առկա է եղել 69 քվեաթերթիկ, անվավեր քվեաթերթիկներ չեն եղել: Ձայները բաշխվել են հետևյալ կերպ՝ կողմ՝ 69, դեմ՝ 0: Այսպիսով՝ Մարտին Գալստյանն ընտրվեց Կենտրոնական բանկի նախագահի պաշտոնում»,- ասաց Բաբայանը:
«Որոշումն ընդունվել է, շնորհավորում եմ, հաջողություն եմ մաղթում»,- ասաց ՀՀ ԱԺ նախագահի տեղակալ Հակոբ Արշակյանը:
