Լրագրողն ահազանգում է՝ Վեդիում անչափահաս քույրերը սեռական բռնության են ենթարկվել. պատկան մարմինները պարզաբանում են

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Վերջին օրերին լրագրող Սյուզի Բադոյանը գրառումներ է կատարում ֆեյսբուքյան էջում պնդելով, որ Վեդի համայնքում սեռական բռնության են ենթարկվել անչափահաս քույրեր.

«Քույրերը Վեդու երկու տարբեր դպրոցներում սովորող աշակերտներ են, որոնցից մեկը` ավագ դպրոցում սովորողը, ունի առողջական խնդիրներ, ինչի պատճառով նաև հոգեբանական խոշտանգումների է ենթարկվել` սեռական ոտնձգությունից հետո։ Իսկ երկրորդին, երբ բռնությամբ այլասերված գործողություններ անելուց հետո երեխան ասել էր՝ բոլորին կասեմ, 65-ամյա տղամարդը ձեռքերը կոկորդին սեղմելով երեխային սպառնացել էր, թե կխեղդի. պայման է դրել սպառնալիքներով, որ ընտանիքից ոչ ոք չպիտի իմանա»,- գրում է լրագրողը և հավելում, որ տղամարդը երեխաներից մեկին մեկ այլ տղամարդու է «տվել», որը ևս սեռական բռնության է ենթարկել աղջկան։

Factor TV-ն փորձեց մանրամասներ ճշտել Վեդու համայնքի ղեկավար Գարիկ Սարգսյանից, սակայն մեր զանգերն անպատասխան մնացին։ Արարատի մարզպետ Սեդրակ Թևոնյանը զերծ մնաց դեպքի մասին մանրամասներից.

«Իրավապահ և ուժային կառույցների ուշադրության ներքո է հարցը, չխանգարենք իրենց։ Իմ իմանալով՝ մեկ անչափահասի մասին է խոսքը՝ 17 տարեկանի, մնացածի մասին ինֆորմացիայի չեմ տիրապետում»։

Հարցին՝ ծանո՞թ է աղջկա ընտանիքին, դեպքի մասին ահազանգից հետո արդյո՞ք հանդիպել է նրանց հետ, Թևոնյանը բացասական պատասխան տվեց։

Դեպքից որոշ մանրամասներ Factor TV-ին տրամադրեցին Ներքին գործերի նախարարությունից։ Մամուլի քարտուղար Նարեկ Սարգսյանը նշեց, որ անհիմն են այն պնդումները, թե ՆԳՆ-ն որևէ դեպք է կոծկում։

«Ընդհակառակը՝ Համայնքային ոստիկանության Վեդիի բաժնում ստացված տեղեկությունների հիման վրա են հրավիրվել քաղաքացիները բաժին, որոնցից էլ ընդունվել են հաղորդումներ։ Իսկ դրանից առաջ ոստիկանություն չեն ստացվել ո՛չ ահազանգեր և ո՛չ էլ՝ հաղորդումներ։

Փետրվարի 12-ին Համայնքային ոստիկանության Վեդիի բաժնում տեղեկություններ են ստացվել Վեդի քաղաքում օրեր առաջ տեղի ունեցած առերևույթ հանցագործության մասին։ Ըստ տեղեկությունների՝ մեկ անձ սեքուսալ բնույթի բռնի գործողություններ է կատարել անչափահասի նկատմամբ։ Բաժին է հրավիրվել նշված անչափահասի ծնողը, ումից ընդունվել է հաղորդում։

Կարճ ժամանակ անց մեկ անձ կասկածանքով ձերբակալվել և ներկայացվել է նախաքննական մարմին։
Ապրիլի 22-ին նույն բաժնում նույնաբովանդակ տեղեկություններ են ստացվել արդեն 17 տարեկան աղջկա վերաբերյալ։ Ոստիկանների անհետաձգելի միջոցառումներով մեկ անձ կասկածանքով ձերբակալվել և ներկայացվել է նախաքննական մարմին»,- նշեց Սարգսյանը։

Քննչական կոմիտեից տեղեկատվություն տրամադրելու համար խնդրեցին գրավոր հարցում ուղարկել։ Factor TV-ն գրավոր հարցում է ուղարկել իրավապահ կառույցին, պատասխան ստանալուց հետո՝ կհրապարակենք։

Ռոզա Վարդանյան