27.07.2026 | 10:20
ՄԻՊ աշխատակազմում քննարկվել են գենդերային հավասարության և անվտանգ աշխատավայրի հարցերը
Հայաստանի և Արցախի ՔՀԿ-ները նամակ են հանձնել ԵՄ դեսպանությանը՝ Արցախի էթնիկ զտումների հարցով․ ՏԵՍԱՆՅՈՒԹ
Հասարակություն
04.05.2026 | 13:27
Հայաստանի և Արցախի քաղաքացիական հասարակության ներկայացուցիչները, «Հարմոնիա» շուշեցի կանանց ՀԿ-ի նախաձեռնությամբ, բողոքի ակցիա են իրականացրել ՀՀ-ում ԵՄ դեսպանատան մոտ։
Նրանք Եվրոպական հանձնաժողովի նախագահ Ուրսուլա ֆոն դեր Լեյենին և ԵՄ հանձնակատարներին ուղղված նամակ են հանձնել, որի տակ ստորագրել են 23 կազմակերպություններ։
Նամակում հասարակական գործիչները դատապարտում են 2023 թ․ սեպտեմբերի 19-ից հետո Արցախում տեղի ունեցած էթնիկ զտումները և «միջազգային հանրության անտարբերությունը»։ Հայտարարության հեղինակների պնդմամբ՝ Արցախի հայաթափումը քաղաքական դավադրության արդյունք է, որն իրականացվել է մարդու իրավունքների կոպտագույն խախտումներով։
Ակցիայի մասնակիցները կոչ են արել Եվրոպական միությանը ցուցաբերել քաղաքական կամք, հավատարիմ մնալ մարդու իրավունքների համընդհանուր արժեքներին և քայլեր ձեռնարկել Արդարադատության միջազգային դատարանի վճիռների իրականացման ու արդարության վերականգնման ուղղությամբ։
Նրանք շեշտել են, որ առանց արցախահայության իրավունքների վերականգնման, տարածաշրջանում խաղաղության մասին խոսույթն ընդամենը քողարկում է կատարված հանցագործությունը։
Մանրամասները՝ տեսանյութում։
