Եկեղեցու՝ Գևորգ եպիսկոպոս Սարոյանի գործով 154 մլն դրամի հակընդդեմ ապահովում կիրառելու վերաբերյալ միջնորդությունը մերժվել է

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Հայաստանյայց առաքելական սուրբ եկեղեցին միջնորդել է հայցվոր Գևորգ եպիսկոպոս Սարոյանից (ավազանի անունը՝ Արման Սարոյան) պահանջել հակընդդեմ ապահովում 154 միլիոն դրամի չափով՝ եկեղեցու հնարավոր վնասների հատուցման նպատակով։

Հիշեցնենք՝ Սարոյանը հունվարի 15-ին հայցադիմում է ներկայացրել դատարան ընդդեմ եկեղեցու՝ Մասյացոտնի թեմի առաջնորդին պաշտոնից ազատելու մասին Գարեգին Բ Ամենայն Հայոց Կաթողիկոսի հունվարի 10-ի հայրապետական տնօրինությունն անվավեր ճանաչելու և որպես հետևանք թեմի առաջնորդի պաշտոնում վերականգնելու պահանջների մասին:

Դատարանը հայցի ապահովման միջոց կիրառելու մասին հայցվորի միջնորդությունը բավարարվել է՝ պարտավորեցվել է եկեղեցուն և այլ անձանց առանց խոչընդոտի ապահովելու Գևորգ եպիսկոպոս Սարոյանի պաշտոնավարումը Մասյացոտնի թեմի առաջնորդի պաշտոնում մինչև գործով եզրափակիչ դատական ակտ կայացնելը: Արգելվել է եկեղեցուն իրականացնել որևէ գործողություն, որը կարող է որևէ կերպ խոչընդոտել Սարոյանին, որպես Մասյացոտնի թեմի առաջնորդ, իրականացնելու իր իրավասություններն ու պարտականությունները, այդ թվում նաև՝ թեմի ֆինանսական հաշիվների (միջոցների) տնօրինումը և թեմի ֆինանսական գործարքների իրականացումը։

Եկեղեցու ներկայացուցիչ Արա Զոհրաբյանը իր միջնորդության մեջ նշել է, որ ապրիլի 4-ի դրությամբ թեմի՝ «Արդշինբանկ»-ում բացված հաշվին առկա են՝ 14,5 միլիոն դրամ, 9 հազար դոլար, 3800 եվրո և 29.900 ռուբլի։ «Արարատբանկ»- ի հաշվեհամարին ապրիլի 1-ի դրությամբ առկա են՝ 124 միլիոն 660 հազար դրամ և 130 դոլար։

Բանկը եկեղեցուն տեղեկացրել է, որ ապրիլի 1-ին ՀԱՍԵ Մասյացոտնի թեմի հաշվից կատարվել է 15,1 միլիոն դրամի ելքագրում։

«․․․Ստացվում է, որ Մասյացոտնի թեմի առաջնորդի կարգավիճակից զրկված Արման Սարոյանը այս պահին թեմի բանկային հաշիվները տնօրինում է բացառապես հայցի ապահովման միջոցների շրջանակում, և եթե դատարանը հետագայում սույն քաղաքացիական գործի վարույթը կարճի կամ հայցը մերժի, ապա կստացվի, որ Արման Սարոյանն ապօրինի կերպով վատնել է ՀԱՍԵ-ի դրամական միջոցները։ Նշված հնարավոր վնասների հատուցման համար անհրաժեշտ է հայցվորից պահանջել ապահովում 154 միլիոն դրամի չափով»,-նշվում է միջնորդության մեջ։

Դատարանը, դատավոր Էդգար Հովհաննիսյանի նախագահությամբ, որոշել է մերժել այն։

«․․․Հայցի ապահովման միջոցները կիրառվել են այն կանխավարկածով և տրամաբանությամբ, որ հայցվորը պետք է Մասյացոտնի թեմի ֆինանսական հաշիվները (միջոցները) տնօրինի և ֆինանսական գործարքներն իրականացնի «Հայաստանյայց Առաքելական Սուրբ Եկեղեցի» կրոնական կազմակերպության անունից և ի շահ նրա, իսկ հակառակի մասին ապացույցներ պատասխանողը չի ներկայացրել։ Հետևաբար, վերջինիս բանկային հաշիվներում առկա դրամական միջոցների չափով վնասներ կրելու հնարավորության, ուստի և այդ չափով ապահովում տրամադրելու անհրաժեշտության մասին փաստարկը դատարանն անհիմն է համարում, ինչը ներկայացված միջնորդությունը դարձնում է հիմնազուրկ և մերժման ենթակա»,-նշվում է որոշման մեջ:

Եվգենյա Համբարձումյան