02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
«Զեբրն» իրականում ներկված ավանակ էր․ կենդանաբանական այգուց կենդանի չի փախել
01.05.2026 | 10:48
Առավոտյան shamshyan.com-ը հայտնել էր, որ Երևանի կենդանաբանական այգուց զեբրը փախել է և տեսանյութ էր հրապարակել։ Երևանի փոխքաղաքապետ Սարգիս Մադաթյանը ավելի ուշ տեղեկացրել է, որ այգուց զեբր դուրս չի եկել։ Իրականում մի քաղաքացի իր ավանակին ներկել է զոլերով և տարել Մյասնիկյան պողոտա:
«Այսօր առավոտյան լրատվականներով տարածված նյութը ոչ այլ ինչ էր, քան անհաջող կատակ։ Քաղաքացին, որի ինքնությունն այժմ պարզում են իրավապահները, իրեն պատկանող ավանակին ներկել էր զոլերով և տեսանյութ նկարահանելու համար տարել Մյասնիկյան պողոտա։ Հայտնում եմ, որ Կենդանաբանական այգու զեբրերն ապահով են, իրենց ազատավանդակում են»,- ասել է փոխքաղաքապետը։
Կենդանաբանական այգին անդրադարձել է համացանցում տարածված տեսանյութի շուրջ հումորային գրառումներին և ընդգծել, որ կենդանուն ներկելը և նման իրավիճակում հանրայնացնելը կոպտորեն հակասում է կենդանիների բարեկեցության սկզբունքներին:
«Քիմիական ներկերը կարող են թունավոր լինել և առաջացնել առողջական լուրջ խնդիրներ։ Կենդանիների բարեկեցությունը մեր առաջնահերթությունն է»,- ասվում է այգու պաշտոնական էջում:
Անի Թամրազյան
