Մեկ օրում բացահայտվել է 147 հանցագործություն

ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 29-30-ը:

«Բացահայտվել է 147 հանցագործություն, որոնցից 8-ը՝ նախկինում կատարված:

Մասնավորապես, բացահայտվել է.

57 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
14 դեպք՝ մարմնական վնասվածք պատճառելու,
11 դեպք՝ հոգեկան ներգործության,
7-ական դեպք՝ ֆիզիկական ներգործության, խարդախության, թմրանյութի հայտնաբերման,
4 դեպք՝ անձնական ունեցվածքի գողության,
3 դեպք՝ փաստաթղթեր կեղծելու,
2-ական դեպք՝ շորթման, ապօրինի ձեռնարկատիրական գործունեության, գույքը ոչնչացնելու կամ վնասելու, պաշտոնեական լիազորությունների չարաշահման:
Բացահայտվել են մարդու առևանգման, կողոպուտի, պետական ունեցվածքի գողության, խուլիգանության, կենդանիների նկատմամբ դաժան վերաբերմունքի, կաշառք տալու, ստանալու կամ միջնորդության, զենք-զինամթերքի առգրավման, ծառերը, թփերը ապօրինի հատելու, քրեական ենթամշակույթ կրողին դիմելու, թմրամիջոցներ պարունակող բույսեր աճեցնելու, սեքսուալ բնույթի բռնի գործողությունների հարկադրելու, աշխատանքի պաշտպանության կանոնները խախտելու, հանցանք կատարած անձին աջակցելու, ինքնիրավչության, պետական սահմանն ապօրինի հատելու դեպքեր։
Նախկինում կատարված հանցագործություններից բացահայտվել է՝

4 դեպք՝ անձնական ունեցվածքի գողության,
3 դեպք՝ խարդախության,
1 դեպք՝ շորթման։

Հայտնաբերվել է 7 հետախուզվող, կամավոր ներակայցել՝ 2-ը։
Հայտնաբերվել է 1 անհետ կորած։
Գրանցվել զենք-զինամթերք կամավոր հանձնելու 1 դեպք։

ՃՏՊ վիճակագրությունը հետևյալն է. անցած 1 օրում գրանցվել է 14 ավտովթար․ 17 մարդ ստացել է տարբեր աստիճանի մարմնական վնասվածքներ»։