03.07.2026 | 09:08
ԱԱ-2026. Շվեյցարիան դուրս եկավ 1/8 եզրափակիչ. ՏԵՍԱՆՅՈՒԹ
Ինչո՞ւ պետք է հակակոռուպցիոն պայքարը գլխավորի վարչապետը, մենք տեսել ենք, թե այդ պայքարներն ինչպես են ավարտվում, երբ գլխավորում է վարչապետը՝ անկախ նրա անձից․ Արմեն Ռուստամյան․ ՏԵՍԱՆՅՈՒԹ
Քաղաքականություն
21.11.2018 | 17:25
Ազգային ժողովի ՀՅԴ խմբակցության ղեկավար Արմեն Ռուստամյանը հարցադրում է հնչեցնում․ եթե 100 տոկոս կատարվածի արդյունքն էսպիսին է, բա իրական 100 տոկոսի պարագայում իրականությունը ինչիպիսի՞ն կլիներ։
Այս մասին այսօր Ազգային ժողովում լրագրողների հետ զրույցում ասաց դաշնակցական պատգամավորը՝ նշելով, որ Կառավարության ներկայացրած շատ քիչ բաներ են կան, որոնք կատարվել են։
«Ես չեմ համարում, որ այն ակնկալիքները, որոնք ժողովուրդը ուներ, կատարվել են, պարզապես կատարված է այն, որ նախորդի վերադարձ չկա»,- ասաց պատգամավորը՝ թվարկելով այն ծրագրերը, որոնք նոր իշխանությունն այդպես էլ կյանքի չի կոչել։
«Կյանքի չի կոչվել անկախ մարմին ստեղծելու խոստումը, որը պետք է գործեր և որի համար բոլորը կողմ են քվեարկել, չէ՞ որ պետք է ստեղծվեր հակակոռուպցիոն անկախ մարմին։ Հաջորդ հարցը՝ ինչո՞ւ պետք է հակակոռուպցիոն պայքարը գլխավորի վարչապետը, մենք տեսել ենք չէ՞, թե ինչպես են այդ հակակառուպցիոն պայքարներն ավարտվում, երբ դրանք գլխավորում է վարչապետը․ անկախ նրանից, թե ով է վարչապետի անձը»,- ասաց Ռուստամյանը։
Մանրամասները՝ տեսանյութում։
