17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
«Փակ միջոցառում է, սա էլ ռեժիմային գոտի է». ՊՊԾ աշխատակիցը՝ Մուստաֆաևի այցի մասին․ ՏԵՍԱՆՅՈՒԹ
Հասարակություն
29.04.2026 | 16:25
«Մուտքը սահմանափակված է լրագրողների համար, փակ միջոցառում է, լրագրողները հրավիրված չեն»,- Աղվերանում լրագրողների հարցերին ի պատասխան ասաց Պետական պահպանության ծառայության աշխատակիցը։
Հիշեցնենք՝ այսօր Հայաստան է ժամանել Ադրբեջանի պատվիրակությունը՝ փոխվարչապետ Շահին Մուստաֆաևի գլխավորությամբ: ԱԳՆ-ից դեռևս մանրամասներ չեն հայտնում, նշելով, որ լրացուցիչ մամուլի հաղորդագրություն կտարածեն։ Ավելի ուշ հայտնի դարձավ, որ պատվիրակությունն Աղվերանում է։ Factor TV-ին տեղեկություններ էր ստացել, թե Աղվերանի կոնկրետ որ հյուրանոցում են այժմ նրանք գտնվում և այս պահին մեր նկարահանող խումբն այդ տարածքում։
ՊՊԾ աշխատակիցը, սակայն, լրագրողների ճշտող հարցերին խուսափողական պատասխաններ էր տալիս. «Ադրբեջանական պատվիրակությո՞ւնն է այստեղ», «Ես տեղյակ չեմ կոնկրետ պատվիրակությունից, տեղյակ եմ, որ լրագրողներ չկան։ Խնդրում եմ ճանապարհից դուրս գաք, դիմացը ձեր լրատվական գործունեությունը ծավալեք։ Տեղյակ չեմ՝ ովքեր են մասնակցում։ Սա մեզ համար ռեժիմային գոտի է, լրագրողների մուտքը սահմանափակ է»։
Հարցին, թե ինչքան ժամանակ է ռեժիմային գոտի լինելու, ՊՊԾ ծառայողը կրկին հստակ չպատասխանեց. «Հենց ավարտվի, կտեղեկացնենք»։
Մանրամասները՝ տեսանյութում։
