24.10.2026 | 12:57
Գերմանական, ֆրանսիական և բրիտանական ինդեքսները նվազել են, իսկ ռուսականը՝ աճել է
Բարձրագույն դատական խորհուրդը Սնանկության դատարանի նախագահի պաշտոնում առաջարկել է Գարիկ Ավագյանի թեկնածությունը
Հասարակություն
28.04.2026 | 11:55
Բարձրագույն դատական խորհուրդը երեկ տեղի ունեցած դռնփակ նիստին քննարկել է Սնանկության դատարանի նախագահի պաշտոնի թափուր տեղում թեկնածություն առաջարկելու վերաբերյալ հարցը և որոշել նախագահին առաջարկել դատավոր Գարիկ Ավագյանի թեկնածությունը:
Այս մասին տեղեկանում ենք Դատական իշխանության պաշտոնական կայքից:
Նշենք, որ Գարիկ Ավագյանը դատավոր է 2008 թվականից: Նա Սնանկության դատարանի նախագահ է ընտրվել նաև 2018 թվականին՝ երեք տարի ժամկետով:
Սնանկության դատարանի նախագահի պաշտոնն այժմ թափուր է, քանի որ ապրիլի 17-ին լրացել է դատարանի նախագահ Գարիկ Հովհաննիսյանի՝ որպես նախագահի պաշտոնավարման ժամկետը:
Արաքս Մամուլյան
