27.07.2026 | 13:18
Պուտինը պատրաստվում է մոբիլիզացիայի, նա պատրաստ չէ դադարեցնել այս պատերազմը. Զելենսկի
Մեքենա վարելու ուսուցումը ՆԳՆ-ն նախատեսում է պարտադիր դարձնել
Հասարակություն
27.04.2026 | 15:55
ՆԳՆ տարեկան համաժողովում ներկայացվել է 2025թ․ գործունեության արդյունքները։ Մասնավորապես նշվել է, որ գերատեսչությունում աշխատանք է տարվում մեքենա վարելու ուսուցումը պարտադիր դարձնելու, ուսուցում իրականացնող կազմակերպություններին լիցենզավորելու և քննությունների անցկացումը նրանց պատվիրակելու ուղղությամբ։ Նախաձեռնության նպատակը վարորդների պատրաստման որակի բարձրացումն ու ոլորտի ավելի կարգավորված կազմակերպումն է։
«Հաշվառման-քննական ստորաբաժանումներում վարորդական իրավունքի վկայականի գործնական քննության անցկացման համար նախատեսված տրանսպորտային միջոցները համալրվել են ժամանակակից տեսաձայնագրիչներով, որոնք ապահովում են քննության ողջ ընթացքի անընդհատ տեսաձայնագրումը։
Աշխատում ենք վարելու ուսուցումը դարձնել պարտադիր, լիցենզավորել կրթական գործունեություն իրականացնողներին, պատվիրակել նրանց քննություններ։
Միաժամանակ, վարորդական վկայականներն ու տրանսպորտային միջոցների հաշվառման վկայագրերը հասանելի ենք դարձրել թվային տարբերակով: Փաստաթղթերը թվային տարբերակով ձեռք բերելու դեպքում վճարվելիք պետական տուրքը կիսով չափ կրճատվում է: Տրանսպորտային միջոցի հաշվառման վկայագիրը և համարանիշը ձեռք բերելու համար այլևս պարտադիր չի մոտենալ գրասենյակ։ Այն հնարավոր կլինի ստանալ «Հայփոստի» միջոցով առաքման տարբերակով՝ վճարելով տվյալ ծառայության արժեքը»,- մանրամասնել է ՆԳՆ խոսնակ Նարեկ Սարգսյանը:
