24.06.2026 | 19:55
Նավթային գերտերություն՝ առանց բենզինի․ ինչ է կատարվում Ռուսաստանում. ՏԵՍԱՆՅՈւԹ
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
Քաղաքականություն
23.04.2026 | 14:00
«Ուժեղ Հայաստան» կուսակցության խորհրդի անդամ, ընտրական ցուցակի 4-րդ համար Դավիթ Ղազինյանը Կոռուպցիայի կանխարգելման հանձնաժողովից՝ հայտարարագիր ներկայացնելու պարտավորության մասին հիշեցում ստանալուց հետո ներկայացրել է իր գույքի և եկամուտների հայտարարագիրը։
Ղազինյանը 6 անշարժ գույք է հայտարարագրել, որոնցից 4-ին միանձնյա է տիրապետում, 4-ն էլ նվիրատվություն է ստացել 2006-ին, 2020-ին, 2023-ին և 2024-ին։ Նա նաև 4 մեքենա է հայտարարագրել, որոնցից յուրաքանչյուրը գնել է դրանց թողարկման տարում․
- BYD (2025),
- LIXIANG (2024),
- VOLKSWAGEN (2022),
- TOYOTA (2018):
2011-ին, 2020-ին, 2023-ին և 2025-ին Դավիթ Ղազինյանը բաժնեմասեր է ձեռք բերել, 2020-ին ձեռք բերվածն ամենաթանկն է եղել՝ 29,3 միլիոն դրամ։ 0 տոկոսով 11 փոխառություն է հանձնել 2 ՍՊԸ-ների՝ «Տիդա 2023»-ին, ինչպես նաև «Պալլադա Ծաղկաձոր»-ին։ Ընդհանուր հանձնված փոխառությունները կազմել են շուրջ 161 միլիոն դրամ և 142 հազար դոլար։
«Ուժեղ Հայաստանի» խորհրդի անդամը նաև 10 միլիոն դրամ արժողությամբ Breguet Marine ձեռքի ժամացույց է հայտարարագրել, որը 2023-ին նվիրատվություն է ստացել։
Բանկային հաշիվների մնացորդները․
- 447 հազար դրամ,
- 868 դոլար,
- 195 հազար դրամ,
- 0․99 դոլար,
- 921 դրամ։
Կանխիկ դրամը․
- 100 միլիոն դրամ,
- 50 հազար եվրո,
- 200 հազար դոլար։
«Հրազդանի էներգետիկ կազմակերպություն» ԲԲԸ-ից 5,6 միլիոն դրամ եկամուտ է ստացել։ Ստացված վարկերի և փոխառությունների մայր գումարի մնացորդը կուսակցության խորհրդի անդամ դառնալու դրությամբ կազմել է 92,2 միլիոն դրամ։
Նշենք՝ Դավիթ Ղազինյանը մինչև 2025-ի հուլիսը զբաղեցրել է ՀԷՑ գործադիր տնօրենի տեղակալի ժամանակավոր պաշտոնակատարի պաշտոնը։ Նրա եղբայրը՝ Արթուր Ղազինյանը, Ազգային ժողովի «Հայաստան» խմբակցության նախկին պատգամավոր է, մանդատը վայր է դրել 2022-ին՝ ընտրություններից մեկ տարի անց։ Հայրը՝ Գագիկ Ղազինյանը, 28 տարի զբաղեցրել է Երևանի պետական համալսարանի իրավագիտության ֆակուլտետի դեկանի պաշտոնը։ Շարունակում է դասավանդել նույն ֆակուլտետում, քրեական դատավարության և կրիմինալիստիկայի ամբիոնի պրոֆեսոր է։
Եվգենյա Համբարձումյան
