22.04.2026 | 20:27
Ըմբիշ Սուրեն Աղաջանյանը՝ Եվրոպայի փոխչեմպիոն
Ավտոբուսի վարորդին դանակահարած ուղևորը ձերբակալվել է
Հասարակություն
22.04.2026 | 18:56
Հալաբյան փողոցում թիվ 8 երթուղին սպասարկող ավտոբուսի վարորդին դանկահարած տղամարդը ձերբակալվել է։ Այս մասին Factor.am-ին հայտնեց ՆԳՆ մամուլի խոսնակ Նարեկ Սարգսյանը։
Նրա տեղեկացմամբ՝ համայնքային ոստիկանության Մաշտոցի բաժնի ծառայողները հայտնաբերել, մարմնական վնասվածք պատճառելու կասկածանքով ձերբակալել են 55-ամյա տղամարդու։ Նա ներկայացվել է նախաքննական մարմին։
Հավելենք, որ ավելի վաղ ՆԳՆ-ից հայտնել էին, որ վարորդին դանակահարած ուղևորը եղել է ոչ սթափ վիճակում։
Երեկ Երևանի փոխքաղաքապետ Սուրեն Գրիգորյանը բռնության դեպքը «զարհուրելի և անընդունելի» որակեց։
«Դանակահարություն ասվածը շատ ահագնացող է հնչում: Փառք Աստծո, վարորդի հետ ամեն ինչ նորմալ է, արդեն տանն է, այսինքն՝ բժշկական հսկողության տակ գտնվելու անհրաժեշտություն էլ չի եղել, ինչը իրականում չի չեղարկում էն փաստը, որ շատ զարհուրելի ու անընդունելի դեպք է: Իրավապահները պետք է գործեն»,- ընդգծել էր Գրիգորյանը։
Արփի Հակոբյան
