10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
ԱՄՆ-ն իր քաղաքացիներին կոչ է անում նաև Հայաստանով հեռանալ Իրանից
Քաղաքականություն
22.04.2026 | 21:53
Ապրիլի 21-ից Իրանի օդային տարածքը մասամբ վերաբացվել է։ ԱՄՆ քաղաքացիները պետք է հիմա լքեն Իրանը, հետևեն տեղական լրատվամիջոցների թարմացումներին և խորհրդակցեն առևտրային փոխադրողների հետ՝ Իրանից մեկնող չվերթների վերաբերյալ լրացուցիչ տեղեկություններ ստանալու համար։ Նման հայտարարություն է տարածել Իրանում ԱՄՆ վիրտուալ դեսպանատունը։
Նշվում է, որ Իրանից մեկնել ցանկացող ամերիկացիները կարող են նաև ցամաքային ճանապարհով մեկնել Հայաստան, Ադրբեջան, Թուրքիա և Թուրքմենստան։ Զգուշացվում է, որ ԱՄՆ քաղաքացիները չպետք է ճանապարհորդեն Աֆղանստան, Իրաք կամ Պակիստան-Իրան սահմանային գոտի։
Հաղորդվում է, որ Ագարակ/Նորդուզ Հայաստանի հետ ցամաքային սահմանը բաց է։
Իրանից Հայաստան մուտք գործող ԱՄՆ քաղաքացիները պետք է ունենան վավերական ԱՄՆ անձնագիր և կարող են երկրում մնալ մինչև 180 օր առանց վիզայի։ ԱՄՆ երկքաղաքացիություն ունեցող անձինք, ովքեր ծրագրում են մուտք գործել Հայաստան Իրանի կամ Հայաստանի անձնագրով, նախնական հաստատման կարիք չունեն։
Իրանի հետ Թուրքիայի ցամաքային սահմանային անցակետերը (Գյուրբուլակ/Բազարգան, Կապիկյոյ/Ռազի և Էսենդերե/Սերով) բաց են Թուրքիայի և երրորդ երկրների քաղաքացիների մուտքի համար։
Ադրբեջանի ցամաքային սահմանները փակ են սովորական երթևեկության համար։ ԱՄՆ քաղաքացիները, որոնք շտապ անհրաժեշտություն ունեն մեկնելու Իրանից, նախ պետք է դիտարկեն մեկնելու այլ հասանելի տարբերակներ։
Նշվում է, որ Թուրքմենստանի ցամաքային սահմանային անցակետերը նույնպես բաց են, չնայած ԱՄՆ քաղաքացիները սահմանին մոտենալուց առաջ պետք է ստանան թուրքմենական կառավարության հատուկ թույլտվությունը։
Թարգմանությունը՝ Էմմա Չոբանյանի
