28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Եթե խնդրահարույց խոսակցություն չէ, ինչու են ասում` WhatsApp-ով զանգի. հարց` Արամ Վարդևանյանին․ ՏԵՍԱՆՅՈՒԹ
Հասարակություն
22.04.2026 | 17:42
Գործընկերների հետ միասին մանրակրկիտ կերպով ուսումնասիրել ենք բոլոր փաստաթղթերը նախքան դրանց ներկայացումը։ Այս մասին ԿԸՀ շենքի մոտ լրագրողների հետ զրույցում հայտարարել է «Ուժեղ Հայատսան» կուսակցության անդամ Արամ Վարդևանյանը։
«Փաստաթղթերը Ընտրական օրենսգրքի և կուսակցությունների մասին օրենքի տեսանկյունից հավուր պատշաճի են, համապատասխանում են օրենքի բոլոր պահանջներին։ Շարժվում ենք առաջ»,- նշեց նա։
Վարդևանյանն անդրադարձել է նաև իրենց քաղաքական ուժի վերաբերյալ Հակակոռուպցիոն կոմիտեի հրապարակած ձայնագրություններին։
«Հարգելի՛ գործընկերներ, ձեզանից շատերին ճանաչում եմ երկար տարիներ, որը իսկապես չափազանց հաճելի է, բայց ես նաև գիտեմ, որ դուք ինչ աստիճան տեղեկացված եք այդ ձայնագրությունների մոնտաժված լինելու հանգամանքների վերաբերյալ։ Ես վստահ եմ, դրանց բազմաթիվ օրինակներին հենց դուք շատ լավ տիրապետում եք։
Ընդհանրապես, միջազգային փորձը եթե ուսումնասիրեք, բազմաթիվ աղմկահարույց քրեական գործեր են լինում։ Այդ աղմկահարույց քրեական գործերի ամենանախնական փուլում, որ ձայնագրությունները մոնտաժված կերպով հրապարակայնացվեն, նման փորձ այդքան էլ առկա չէ։ Հետևաբար դրանց բովանդակությանը, իսկապես, որոշակի առումով վերապահումով վերաբերվեք»,- նշեց նա։
Մանրամասները՝ տեսանյութում։
