Դատապարտյալը երեք օր անընդմեջ ինքնավնասում է կատարել. նոր մանրամասներ «Արմավիր» ՔԿՀ-ի աղմկահարույց դեպքից

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

«Արմավիր» քրեակատարողական հիմնարկի դատապարտյալ Գ․Պետրոսյանը երեք օր շարունակ ինքնավնասում է արել, կտրել է երակները, ապա՝ հացադուլ հայտարարել։ Factor TV-ին որոշ մանրամասներ են հայտնի դարձել ինքնավնասմանը նախորդած դեպքերից։

Մասնավորապես, Պետրոսյանն անազատության մեջ գտնվելու ընթացքում հասցրել է հայտնվել հոգեկան առողջության պահպանման կենտրոններից մեկում, հիվանդանոցում, որտեղ կրկին ինքնավնասման է դիմել, ինչպես նաև հացադուլ հայտարարել։ Factor TV-ի տեղեկություններով՝ քրեակատարողական հիմնարկ մտնելու օրվանից ի վեր դատապարտյալը պահանջել է, որ իրեն հիվանդանոց տեղափոխեն, պատճառաբանելով՝ առողջական խնդիրներ ունի, ինչպես նաև դեղամիջոցներից ալերգիա, իսկ բանտում հնարավոր է իրեն այլ դեղեր տան, որից անաֆիլակտիկ շոկի մեջ կարող է ընկնել։

Երեք օր առաջ՝ ապրիլի 18-ին, նախքան հերթական ինքնավնասման դիմելը, Պետրոսյանը հոգեկան առողջության կենտրոնից դուրս է գրվել արդեն ինքնավնասում կատարած և քրեակատարողական հիմնարկ տեղափոխվել աշխատանքային ժամից հետո, երբ բանտում արդեն հերթապահ բժիշկ չի եղել։ Հաջորդ օրը երեկոյան դատապարտյալը բողոքել է, որ լավ չի զգում և հերթապահ բուժանձնակազմից պահանջել, որ Շտապ օգնություն կանչեն։ Նա հրաժարվել է «Քրեակատարողական բժշկության կենտրոն» ՊՈԱԿ-ի բուժօգնությունից, և մինչ ՇՕ բրիգադ կհրավիրվեր, ՔԿՀ աշխատակիցները հայտնել են, որ դատապարտյալն ինքնավնասում է կատարել և զանգել Մարդու իրավունքների պաշտպանի թեժ գիծ։ Պետրոսյանին տեղում բուժօգնություն են ցուցաբերել և տեղափոխել հիվանդանոց։ Հաջորդ օրը՝ ապրիլի 20-ին, կրկին ինքնավնասում է կատարել։

Երեկ Shamshyan.com-ը, անդրադառնալով ինքնավնասման դեպքին, գրել էր, որ Պետրոսյանը և մի քանի դատապարտյալներ պատրաստվում են առաջիկայում դիմել կտրուկ միջոցների, ընդհուպ ոչ միայն հացադուլ, այլ նաև խմբակային ինքնավնասումներ կատարել։ Քրեակատարողական ծառայությունը, սակայն հերքում է ՔԿՀ-ում լարված իրավիճակի մասին տեղեկությունները․

««Արմավիր» քրեակատարողական հիմնարկում լարված իրավիճակի վերաբերյալ շրջանառվող տեղեկությունները որևէ առնչություն չունեն իրականության հետ։ Ապրիլի 20-ին դատապարտյալ Գ.Պ.-ն կատարել է ինքնավնասում, որից հետո նրան ցուցաբերվել է անհրաժեշտ բժշկական օգնություն քաղաքացիական բուժհաստատությունում։ Ինչ վերաբերում է այլ ազատազրկված անձանց կողմից, հաջակցություն Գ.Պ.-ին, հացադուլ հայտարարելու մասին տարածվող տեղեկություններին, հայտնում ենք, որ դրանք չեն համապատասխանում իրականությանը։ Ներկայում «Արմավիր» քրեակատարողական հիմնարկում հացադուլի մեջ գտնվում է ընդհանուր առմամբ 5 անձ, ներառյալ վերոնշյալ դատապարտյալը։ 4 ազատազրկված անձինք հացադուլ են հայտարարել այլ պատճառներով և տարբեր ժամանակահատվածներում։ Հիմնարկում որևէ լարված իրավիճակ առկա չէ, ազատազրկված անձանց կողմից հացադուլ հայտարարելու հետ կապված որևէ սպառնալիք չի արձանագրվել, և հիմնարկի բնականոն գործունեությունը շարունակվում է անխափան։ Հորդորում ենք զերծ մնալ իրականությունը խեղաթյուրող տեղեկությունների տարածումից»։

Ռոզա Վարդանյան