06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Ավտոբուսի վեճերը կապ չունեն քաղաքապետի խոսքի հետ․ ավագանու ՔՊ-ական անդամ․ ՏԵՍԱՆՅՈՒԹ
Հասարակություն
21.04.2026 | 13:32
Երևանի ավագանու «ՔՊ» խմբակցության անդամ Աշոտ Սարգսյանը հորդորում է հանրային տրանսպորտում վերջին շրջանում տեղի ունեցող միջադեպերը չկապել քաղաքապետ Տիգրան Ավինյանի հայտարարության հետ։
«Վեճերը կարող են լինել տարբեր պատճառներով, բայց երբ խոսքը հասնում է բռնության, դա արդեն քրեական հարթության հարց է և որևէ կապ չունի քաղաքապետի կոչերի հետ»,- ասաց նա։
Հարցին՝ արդյոք ավտոբուսի վարորդները պարտավո՞ր են վերահսկել ուղեվարձի վճարումը, Սարգսյանը նշեց, որ պայմանագրային մանրամասներին լիարժեք ծանոթ չէ, սակայն ենթադրեց, որ նման դրույթ կարող է լինել, քանի որ հակառակ դեպքում՝ հարցը արդեն բարձրացված կլիներ վարորդների կողմից։
Հիշեցնենք՝ Տիգրան Ավինյանը ամոթանք էր տվել ուղեվարձը չվճարող քաղաքացիներին և վարորդներին հորդորել կանգնեցնել ավտոբուսն ու իջեցնել չվճարողներին։ Քաղաքապետը նաև դիմել էր քաղաքացիներին՝ կոչ անելով աջակցել վարորդներին այն դեպքերում, երբ վերջիններս դադարեցնում են երթևեկությունը և պահանջում վճարում կամ ուղևորի իջեցում։
Մանրամասները՝ տեսանյութում։
