21.04.2026 | 15:46
Պետությանը պատճառված 326 մլն դրամի վնասը վերականգնվել է․ ՔԿ
Հոգևորականները չեն կարող հայտարարագրման համակարգից դուրս լինել. Փաշինյան․ ՏԵՍԱՆՅՈՒԹ
Հասարակություն
21.04.2026 | 13:21
Նիկոլ Փաշինյանն այսօր ՔՊ նախընտրական ծրագիրը ներկայացնելիս անդրադարձել է Հայ առաքելական եկեղեցու «բարենորոգման» իր ծրագրին և խոսել եկեղեցուն հարկային դաշտ բերելու, իսկ հոգևորականանների համար հայտարարագիր լրացնելը պարտադիր դարձնելու մասին։
«Մենք վաղուցվանից ենք խոսել, որ Հայաստանյայց Առաքելական Եկեղեցին որոշակի առևտրային գործունեության և Հայաստանի Հանրապետության օրենսդրությամբ սահմանված դեպքերում պետք է նաև հարկեր վճարի։ Ընդ որում, մենք ասում ենք՝ էս գլխից մենք պարտավորվում ենք և ասում ենք, որ այդ վճարված, հավաքագրված հարկերը 100 տոկոսով, անվերապահորեն կվերադարձնենք Հայաստանյայց Առաքելական Սուրբ Եկեղեցուն, դեռ մի բան էլ ավելին՝ ըստ անհրաժեշտության նաև լրացուցիչ ֆինանսավորում կապահովենք այդ թվում սոցիալական երաշխիքների ձևով և այդպես շարունակ։ Իսկ ինչո՞ւ նրանք չեն համաձայնվում։ Ինչո՞ւ, ինչո՞ւ է արդեն ութ տարի Կտրիճ Ներսիսյանի համար այս օրակարգը անընդունելի։ Մի պարզ պատճառով, որովհետև նրանք ուզում են գործել ստվերում, չլինել հաշվետվողական եկեղեցու առաջ, որն է ժողովուրդը։
Եկեղեցին ժողովուրդն է, սիրելի ժողովուրդ։ Եկեղեցին ժողովուրդն է։ Եկեղեցին Կտրիչ Ներսիսյանը չի և երբեք չի եղել և երբեք չի լինի։ Երբևէ որևէ կաթողիկոս չի եղել եկեղեցին։ Կաթողիկոսը եղել է և է՝ պետք է լինի եկեղեցու մաս, բայց եկեղեցին առաջին հերթին ժողովուրդն է՝ հավատացյալ հանրությունը։ Եվ ես հույս ունեմ, ես համոզված եմ այսինքն, որ ժողովուրդը որպես Աստծո ձայնի կրող՝ համաձայն 25-րդ սաղմոսի, այդ թվում այս հարցում իր դատը կանի 2026 թվականի հունիսի 7-ին»,-ասաց Փաշինյանը։
Մանրամասները՝ տեսանյութում։
