03.08.2026 | 20:47
Վաղը Նորքի 9-րդ զանգվածի որոշ հասցեներում գազանջատումներ կլինեն
Դատարանը ոչ իրավաչափ է ճանաչել Բաղրամյան պողոտայի հողամասի նկատմամբ սեփականության պետական գրանցումը
Հասարակություն
21.04.2026 | 11:33
Վարչական դատարանը բավարարել է Երևան քաղաքի դատախազության՝ պետշահերի պաշտպանության հայցը և ոչ իրավաչափ ճանաչել Բաղրամյան պողոտա 21/6 հասցեում գտնվող 0.01884 հա մակերեսով հողամասի նկատմամբ 2013 թվականին կատարված սեփականության իրավունքի պետական գրանցումը։ Դատախազությունը պնդում էր, որ հողամասի վերաբերյալ կատարված վարչական ակտը ենթակա է ճանաչման որպես ոչ իրավաչափ։
«Երևան քաղաքի դատախազությունը 2023 թվականի հոկտեմբերի 6-ին հայցադիմում էր ներկայացրել Վարչական դատարան՝ ընդդեմ Կադաստրի կոմիտեի՝ Երևան քաղաքի Բաղրամյան պողոտա 21/6 հասցեում գտնվող 0.01884 հա մակերեսով հողամասի վերաբերյալ 2013 թվականի հունիսի 27-ին ֆիզիկական անձի անվամբ կատարված իրավունքի պետական գրանցումն անվավեր ճանաչելու պահանջով:
Հաշվի առնելով հայցատեսակի փոփոխության վերաբերյալ Դատարանի առաջարկը՝ Դատախազության կողմից 2025 թվականի փետրվարի 20-ին ներկայացվել է ճանաչման հայց՝ խնդրելով ոչ իրավաչափ ճանաչել այլևս իրավաբանական ուժ չունեցող միջամտող վարչական ակտը:
Վարչական դատարանը 2026 թվականի մարտի 23-ի վճռով բավարարել է Երևան քաղաքի դատախազության հայցը. ոչ իրավաչափ է ճանաչել հողամասի նկատմամբ ֆիզիկական անձի սեփականության իրավունքի պետական գրանցումը»,- ասված է հաղորդագրությունում։
