14.09.2026 | 11:45
«Փարքինգի նոր տրամաբանություն քննարկեք, որ ինչ-որ միջին մակարդակի չինովնիկներ սև փող չաշխատեն»․ Ավինյան. ՏԵՍԱՆՅՈՒԹ
ԱՄՆ սենատորները նամակներով դիմել են Meta-ին և Alphabet-ին՝ կոչ անելով կանխել ՌԴ-ի ապատեղեկատվությունը Հայաստանի ընտրությունների նախաշեմին
Քաղաքականություն
21.04.2026 | 10:58
Անցյալ շաբաթ ԱՄՆ սենատորներ Ջին Շահինը և Թոմ Թիլիսը նամակներ են ուղարկել Meta-ին և Alphabet-ին՝ կոչ անելով նրանց բավարար ռեսուրսներ հատկացնել ռուսական ապատեղեկատվության կանխարգելմանը 2026 թվականի հունիսին Հայաստանում կայանալիք խորհրդարանական ընտրություններից առաջ։
«Անկախ փորձագետները գնահատմամբ՝ Ռուսաստանը թարմացնում է Մոլդովայի իր ռազմավարությունը, այդ թվում՝ օգտագործելով Meta հարթակները, որպեսզի ազդի Հայաստանի ժողովրդավարական գործընթացի արդյունքների վրա։ Վարչապետ Նիկոլ Փաշինյանը նշել է, որ «Ռուսաստանից մարդկանց» խրախուսվում է աջակցել որոշակի քաղաքական կուսակցությունների: Հայաստանի հարգված քաղաքացիական հասարակության խումբը՝ «Իրազեկ քաղաքացիների միությունը», Meta հարթակներում հայտնաբերել է հարյուրից ավելի էջեր, որոնք գովազդում են առաջիկա ընտրություններին վերաբերող մանիպուլյատիվ բովանդակություն: Խումբը նաև նշել է համակարգված ոչ իսկական վարքագիծ, որը, ըստ տեղեկությունների, ուղղորդվել է ռուսահայ օլիգարխի կողմից, որը Թրամփի առաջին վարչակազմի կողմից Կոնգրեսին ներկայացվող օրենքով պարտադիր զեկույցում նշված է որպես «Ռուսաստանի Դաշնությունում նշանակալի օտարերկրյա քաղաքական ֆիգուր կամ օլիգարխ, որը որոշվում է ռուսական ռեժիմի հետ նրա մտերմությամբ»»,- գրել են սենատորները Meta-ին ուղղված նամակում։
Նշվում է նաև, որ 2026 թվականի հունիսի խորհրդարանական ընտրությունները կարևոր նշանակություն ունեն Հայաստանի ապագան որոշելու համար, քանի որ դրանք, հավանաբար, կորոշեն տարածաշրջանային խաղաղության նախաձեռնությունների և կապի նախագծերի ելքը, այդ թվում՝ «Թրամփի ուղին միջազգային խաղաղության և բարգավաճման համար» (TRIPP) գլխավոր ծրագիրը, որը խաղաղության բանակցությունների հիմնական բաղադրիչն է։ Ոչ մի օտարերկրյա ուժի չպետք է թույլ տա ազդել Հայաստանի ինքնիշխան որոշումների արդյունքների վրա, շեշտել են սենատորները։
«Մենք հույս ունենք, որ դուք կվերսկսեք և կձեռնարկեք Մոլդովային իր ժողովրդավարությունը արտաքին հարձակումներից պաշտպանելու համար ձեռնարկված ջանքերը, բայց այժմ՝ Հայաստանի համապատասխան Հհաստատությունների հետ։ Մենք կոչ ենք անում Alphabet-ին բավարար ռեսուրսներ հատկացնել ռուսական ապատեղեկատվությանը Հայաստանի ընտրություններից առաջ հակազդելու համար»,- գրել են սենատորները Alphabet-ին ուղղված նամակում։
Նրանք նշելեն, որ Միացյալ Նահանգները պետք է անաչառ մնա Հայաստանի ժողովրդավարական գործընթացի արդյունքների վերաբերյալ իր տեսակետներում, սակայն չեն կարող աչք փակել, երբ տեսնում են, թե ինչպես է օտարերկրյա ուժը փորձում իր կամքը պարտադրել հայ ժողովրդին։
Թարգմանությունը՝ Էմմա Չոբանյանի
