05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
«Ուժեղ Հայաստանի» անդամների տներում խուզարկություններ են կատարվում
Հասարակություն
20.04.2026 | 18:25
Խուզարկություններ են իրականացվում Գյուլագարակում՝ «Ուժեղ Հայաստան» կուսակցության անդամներ Վրույր Այվազյանի և Անդրանիկ Գևորգյանի բնակության վայրերում։
Factor TV-ին Քննչական կոմիտեից հայտնում են․ «Լոռու մարզային քննչական վարչությունում հավաք անցկացնելուն կամ դրան մասնակցելուն հարկադրելու դեպքի առթիվ նախաձեռնված քրեական վարույթի նախաքննության ընթացքում կատարվում են քննչական գործողություններ»:
Այս պահին այլ մանրամասներ չեն հաղորդվում։
Հիշեցնենք՝ ապրիլի 14-ին հայտնի դարձավ, որ Քրեական օրենսգրքի 236-րդ հոդվածի 3-րդ մասով (հավաք անցկացնելուն կամ դրան մասնակցելուն խոչընդոտելը կամ հարկադրելը, ինչպես նաև հավաքին մասնակցելու կամ հավաքին մասնակցելուց հրաժարվելու նպատակով նյութապես շահագրգռելը, որը կատարվել է իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով) հանրային քրեական հետապնդում էր հարուցվել նաև «Ուժեղ Հայաստան» կուսակցության Վայքի գրասենյակի համակարգող Վերժինե Ստեփանյանի նկատմամբ։
