06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Անվավեր է ճանաչվել Սերժ Սարգսյանի ստորագրած հողամասի վաճառքի պայմանագիրը․ ՀՀ-ին կվերադարձվի 78.8 մլն դրամ․ Դատախազություն
Հասարակություն
20.04.2026 | 16:45
Հակակոռուպցիոն դատարանը բավարարել է Գլխավոր դատախազության հայցը և անվավեր ճանաչել 2006 թվականին Հայաստանի անունից այն ժամանակվա պաշտպանության նախարար Սերժ Սարգսյանի ու մի ընկերության միջև կնքված՝ Մալաթիա-Սեբաստիա վարչական շրջանում գտնվող 0.17 հա հողամասի առուվաճառքի պայմանագիրը։ Քանի որ հողամասը վերադարձնելն անհնար է, դատարանի վճռով ընկերությունից հօգուտ Հայաստանի Հանրապետության կբռնագանձվի դրա արժեքը՝ 78 մլն 860 հազար դրամ։
«Գլխավոր դատախազությունը տեղեկացրել էր, որ Հակակոռուպցիոն դատարանը 2026 թվականի փետրվարի 27-ին բավարարել է Գլխավոր դատախազության պետական շահերի պաշտպանության վարչության հերթական հայցը:
Վճռով անվավեր է ճանաչվել 2006 թվականի մարտի 3-ին Հայաստանի Հանրապետության անունից ՀՀ պաշտպանության նախարար Սերժ Սարգսյանի և ՓԲ ընկերության միջև կնքված՝ Երևան քաղաքի Մալաթիա-Սեբաստիա համայնքի Ծովակալ Իսակովի պողոտայում գտնվող՝ 0.17 հա մակերեսով հողամասի առուվաճառքի պայմանագիրը:
Նկատի ունենալով, որ առկա է նշված հողամասը վերադարձնելու անհնարինություն, որպես պայմանագրի անվավերության հետևանք՝ փակ բաժնետիրական ընկերությունից հօգուտ Հայաստանի Հանրապետության կբռնագանձվի հողամասի արժեքը՝ 78 միլիոն 860 հազար դրամ:
Վճիռը մտել է օրինական ուժի մեջ, տրամադրվել է կատարողական թերթ»,- ասված է հաղորդագրությունում։
