25.10.2026 | 09:09
Վիճաբանություն Երևանում, գործի է դրվել ատրճանակ. ոստիկանները հայտնաբերել են միջադեպի մասնակիցների
Մարդիկ սիրում են խորհրդարանի շիշշպրտոցին ու ծեծկռտուքը, արվեստը չի կարող դա փոխել. Գայ Ղազանչյան. ՏԵՍԱՆՅՈւԹ
Հաղորդաշարեր
18.04.2026 | 19:00
«Հայաստանում շատերը չգիտեն Ազգային պատկերասրահի, Երևանի ժամանակակից թանգարանի տեղը, պատճառաբանում, ասում են՝ տեղը չգիտեն: Սա կրթության հարց է: Սրա մասին պետք է մտածեն դպրոցները, ծնողներն էլ մանկուց երեխաներին թանգարան գնալու մշակույթին պետք է ծանոթացնեն»,-Factor TV-ի հետ զրույցում նշում է նկարիչ, քանդակագործ Գայ Ղազանչյանը:
Վերջերս Նկարիչների միությունում տեղի ունեցավ նրա «Ռեզոնանս» խորագրով ցուցահանդեսը, տարիներ առաջ էլ նկարիչը ներկայացրել էր «Ականատեսը» խորագրով ցուցադրությունը՝ նվիրված 44-օրյա պատերազմի մասնակիցներին. «Իմ երկրում, իմ շուրջը տիրող իրադարձությունները անմիջականորեն անդրադառնում են իմ հոգեվիճակի և իմ ստեղծած արվեստի վրա: Շատ նկարիչներ կան՝ իրենց ֆունկցիան տների պատեր զարդարելն է, իմն այլ է»,-ասում է մեր զրուցակիցը:
Հայաստանում քաղաքական բուռն գործընթացներ են, առջևում խորհրդարանական ընտրություններ են, ատելության խոսքն ավելի մեծ ծավալներով է տարածվում, հետաքրքրվեցինք՝ արվեստը կարող է արդյոք մեղմել իրավիճակը, այլ մթնոլորտ ձևավորել. «Մարդիկ սիրում են խորհրդարանի շիշշպրտոցին ու ծեծկռտուքը, արվեստը չի կարող դա փոխել, այն կարող է արտացոլել այդ ամենը՝ ալտերնատիվ միջոցներով»:
Մանրամասները՝ տեսանյութում:
Աննա Բաբաջանյան
