15.10.2026 | 12:34
Խնդիր եմ դրել՝ մինչև 2031թ․ վավերացնել խաղաղության պայմանագիրը. Փաշինյան․ ՏԵՍԱՆՅՈՒԹ
Մուստաֆաևը հայտարարել է, որ Արաքսի վրայով Աղբենդի կամուրջը շուտով կհանձնվի շահագործման
Քաղաքականություն
16.04.2026 | 21:54
Ադրբեջանա-ռուսական միջկառավարական հանձնաժողովի անդամները ծանոթացել են, այսպես կոչված, «Զանգեզուրի միջանցքի» մաս կազմող Հորադիզ-Աղբենդ ճանապարհի և երկաթուղու շինարարության ընթացքին։ Պատվիրակությունը այցելել է Աղբենդ գյուղում գտնվող Արաքս գետի վրայով անցնող ավտոմոբիլային կամուրջը։
Ադրբեջանի փոխվարչապետ Շահին Մուստաֆաևը հայտարարել է, որ Աղբենդի կամուրջն արդեն պատրաստ է և մոտ ապագայում կշահագործվի։
«Ներկայում երկու կողմերում էլ ընթանում է սահմանային անցակետի շինարարություն, որը նույնպես շուտով կշահագործվի»,- ասել է նա։
Ռուսաստանի փոխվարչապետ Ալեքսեյ Օվերչուկը նշել է, որ նոր կամուրջը Հյուսիս-Հարավ և Արևելք-Արևմուտք միջազգային տրանսպորտային միջանցքների մաս է կազմում։
«Ռուսաստանը շահագրգռված է այս ենթակառուցվածքի արագ գործարկմամբ»,- հայտարարել է Օվերչուկը։
Նա հավելել է, որ այս երթուղին հարմար կլինի Ռուսաստանից Իրան, Նախիջևան և Թուրքիա բեռներ տեղափոխելու համար և օգուտ կբերի այն օգտագործող բոլոր երկրներին։
Թարգմանությունը՝ Էմմա Չոբանյանի
