Հասարակություն
15.04.2026 | 15:55
Երրորդ բանակային կորպուսի նախկին հրամանատար, գեներալ Գրիգորի Խաչատուրովի մասով երկրորդ գործն է ուղարկվել դատարան։ Այս մասին Factor TV-ն տեղեկանում է «Դատալեքս» դատական-տեղեկատվական համակարգից. գործը վարույթ է ընդունվել երեկ՝ ապրիլի 14-ին և մակագրվել Հակակոռուպցիոն քրեական դատարանի դատավոր Մերի Մոսինյանին։
Ըստ ամենայնի, գործը քննվելու է հեռակա վարույթով, քանի որ Խաչատուրովը Հայաստանում չէ, նրա նկատմամբ հետախուզում էր հայտարարված, խափանման միջոցն ընտրված էր կալանավորումը։
Հիշեցնենք՝ 2025 թվականի դեկտեմբերին Գրիգորի Խաչատուրովին նոր մեղադրանք առաջադրվեց կաշառք տալու և պատերազմի ժամանակ իշխանազանցության ու իշխանությունը չարաշահելու հոդվածների հատկանիշներով։
Ռոզա Վարդանյան
