15.04.2026 | 14:56
Վիզաների ազատականացումը շատ իրատեսական է․ Արփինե Սարգսյան․ ՏԵՍԱՆՅՈՒԹ
Դատարանը քննում է Սամվել Կարապետյանի խափանման միջոցի հարցը
Քաղաքականություն
15.04.2026 | 13:11
Հակակոռուպցիոն դատարանը քննում է Սամվել Կարապետյանի խափանման միջոցի հարցը: Գործը նախնական դատալսումների փուլում է, արդեն իսկ քննարկվել են դատարանին և հանրային մեղադրողին բացարկի, գործի ընդդատության հարցերը: Դատարանը պետք է անցներ նախնական դատալսումների փուլում քննարկման ենթակա մյուս հարցերին՝ ըստ հաջորդականության, սակայն պաշտպան Արամ Վարդևանյանը, ինչպես պարզվեց, դատարանին միջնորդել է առաջնահերթության կարգով քննել Կարապետյանի խափանման միջոցի հարցը:
Դատական նիստին Վարդևանյանը նշեց, որ Սամվել Կարապետյանի ղեկավարած քաղաքական ուժը մասնակցում է ընտրություններին, իսկ Կենտրոնական ընտրական հանձնաժողով ընտրական ցուցակների ներկայացման վերջնաժամկետը ապրիլի 23-ն է:
Վարդևանյանը նշեց, որ այս պահի դրությամբ՝ Սամվել Կարապետյանն ունի կուսակցության քաղաքական խորհրդի հետ հաղորդակցվելու հնարավորություն, բայց դա չի կարող փոխարինել անմիջականորեն տեղում գործընթացները կազմակերպելուն: Պաշտպանը նաև ասաց, որ ապրիլի 21-ին կուսակցության համագումարն է:
Հանրային մեղադրող Արգամ Դալլաքյանը միջնորդեց Սամվել Կարապետյանի տնային կալանքի ժամկետը երկարացնել 3 ամսով, քանի որ կան անձինք, որոնց վրա Սամվել Կարապետյանը կարող է ազդեցություն ունենալ: Նիստը շարունակվում է:
Արաքս Մամուլյան
