06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
1,4 մլն դրամ նվիրատվություն․ ինչքան է ծախսել «Հանուն Հանրապետության» կուսակցությունը
Քաղաքականություն
14.04.2026 | 17:30
«Հանուն Հանրապետության» կուսակցությունն անցած տարի 1 մլն 400 հազար 100 դրամ նվիրատվություն է ստացել 8 քաղաքացիներից։ Կուսակցության նախագահ Արման Բաբաջանյանը նրանց շարքում չէ։
Ըստ 2025 թվականի տարեկան հաշվետվության՝ այլ ֆինանսավորում, այդ թվում՝ անդամավճարներ, կուսակցությունը չի ունեցել։
Այս գումարից 270 հազար դրամը ծախսվել է գույքի վարձակալության համար, 75 հազար դրամ վճարվել է «Շանթ» ընկերությանը գովազդային ծառայության համար, 1 մլն 50 հազար դրամ՝ Լիլիթ Ավագյան ԱՁ-ին՝ կուսակցության ծրագրերի տարածման, սոցիալական մեդիա էջերի առաջխաղացման համար։
«Հանուն Հանրապետության» ղեկավար մարմինների անդամներ են նշված Սարգիս Գրիգորյանը, Վահագն Մարտիրոսյանը, Վիգեն Մովսիսյանը, Առնոլդ Բլեյանը, Արման Բաբաջանյանը, Արթուր Բարսեղյանը, Արշակ Սարգսյանը, Արտաշես Խալաթյանը, Գարեգին Ղազարյանը, Լուսինե Հակոբյանը, Միհրան Հակոբյանը, Նոնա Համբարձումյանը և Ռուբեն Մեհրաբյանը։
Հիշեցնենք, որ կուսակցությունը հայտարարել է առաջիկա խորհրդարանական ընտրություններին ընդլայնված ցուցակով մասնակցելու մասին։
Գայանե Խաչատրյան
