25.10.2026 | 22:00
«Ականատես»-ը 407 ընտրատեղամասից 137-ում արձանագրել է 217 խնդիր և հնարավոր ընտրախախտում
ՍԴ դատավորների վարձատրությունն առաջարկում ենք վերանայել․ Սրբուհի Գալյան․ ՏԵՍԱՆՅՈՒԹ
Հասարակություն
14.04.2026 | 16:26
Արդարադատության նախարար Սրբուհի Գալյանն ԱԺ այսօրվա նիստում ներկայացրեց «Սահմանադրական դատարանի մասին» սահմանադրական օրենքում լրացում կատարելու մասին նախագիծը։ Առաջարկվում է վերանայել Սահմանադրական դատարանի դատավորների վարձատրության համակարգը։ Մասնավորապես՝ նախատեսվում է սահմանել հավելավճար՝ դատավորի պաշտոնում աշխատանքային ստաժի համար։
«Սահմանադրական դատարանի դատավորների 12-ամյա պաշտոնավարման ժամկետը հաշվի առնելով՝ աշխատանքային ստաժի հավելավճարը հաշվարկվում է առավելագույնը 11 տարվա համար և սահմանվում է աճողական կարգով՝ սկսած պաշտոնավարման երկրորդ տարվանից․ երկրորդ տարում՝ 20 տոկոս, երրորդ տարում՝ 35 տոկոս, իսկ չորրորդ տարվանից յուրաքանչյուր հաջորդ տարի՝ նախորդ տարվա չափից 10 տոկոսով ավելի»,- ասաց Գալյանը։
Նախարարը նաև նշեց, որ հավելավճարի հաշվարկման համար հաշվի են առնվելու օրենքն ուժի մեջ մտնելու պահի դրությամբ Սահմանադրական դատարանի դատավորի պաշտոնում աշխատած լրիվ տարիները, այսինքն՝ մեկնակետը Սահմանադրական դատարանի նախագահի, փոխնախագահի, դատավորի պաշտոնը ստանձնելու պահն է։
Նախագիծը ԱԺ պետական և իրավական հարցերի մշտական հանձնաժողովում ստացել է դրական եզրակացություն։
Մանրամասները՝ տեսանյութում։
