04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
600 քրգործեր կապաքրեականացվեն․ ՊԵԿ նախագահը ներկայացրեց առաջարկվող փոփոխությունները․ ՏԵՍԱՆՅՈՒԹ
Հասարակություն
14.04.2026 | 13:07
Ազգային ժողովի լիագումար նիստում ՊԵԿ նախագահ Էդուարդ Հակոբյանը ներկայացրեց հարկային և քրեական օրենսդրության լայնածավալ փոփոխությունների փաթեթը։
Նախագծով առաջարկվում է փոխել Հարկային օրենսգրքում գործող մոտեցումը։ Եթե ներկայում Պետական եկամուտների կոմիտեն հարկ չվճարելու վերաբերյալ տեղեկատվություն ստանալիս կարող է անմիջապես հաղորդում ներկայացնել, ապա նոր կարգավորմամբ նախ կկիրառվեն վերլուծական գործիքներ։
ՊԵԿ-ը, նախ, ծանուցման միջոցով, կփորձի պարզաբանումներ ստանալ հարկ վճարողից։ Միայն հիմնավոր բացատրությունների բացակայության դեպքում կիրականացվի թեմատիկ ուսումնասիրություն և կկազմվի վարչական ակտ, որը կարող է բողոքարկվել։ Դրանից հետո միայն հնարավոր կլինի որոշում կայացնել քրեական վարույթ նախաձեռնելու վերաբերյալ։
Բացառություններ կլինեն այն դեպքերի համար, երբ անհրաժեշտ է անհապաղ միջամտություն՝ ապացույցների կորստից խուսափելու համար։
Փոփոխություններ են առաջարկվում նաև Քրեական օրենսգրքում։ Նախատեսվում է էականորեն բարձրացնել հարկային հանցագործությունների շեմերը․
«Խոշոր» չափը՝ 10 միլիոն դրամից դառնալու է 30 միլիոն դրամ
Երկու տարվա համար՝ մինչև 45 միլիոն դրամ
«Առանձնապես խոշոր» չափը՝ 25 միլիոնից դառնալու է 50 միլիոն դրամ
Երկու տարվա համար՝ մինչև 75 միլիոն դրամ
Այս փոփոխությունների արդյունքում, ըստ ՊԵԿ նախագահի, շուրջ 600 քրեական գործ, հարկ վճարողների համաձայնությամբ, կարող է ապաքրեականացվել, իսկ որոշ դեպքերում՝ ընդհանրապես չնախաձեռնվել։
Մանրամասները՝ տեսանյութում։
