07.08.2026 | 12:51
Թրամփը կարծում է՝ Իրանի հետ պատերազմը «շատ շուտով» կավարտվի
Ոստիկանության նկատմամբ վստահությունը բարձրացել է․ Արփինե Սարգսյան․ ՏԵՍԱՆՅՈՒԹ
Քաղաքականություն
14.04.2026 | 12:17
ՆԳ նախարար Արփինե Սարգսյանն ԱԺ լիագումար նիստում ներկայացրեց ոստիկանության համակարգում նախատեսվող և արդեն իրականացված մի շարք փոփոխություններ՝ շեշտադրելով գնահատման նոր մեխանիզմները, ծառայողների սոցիալական երաշխիքները և վստահության աճը։
Սարգսյանի խոսքով՝ առաջիկայում ներդրվելու է թվային հարթակ, որի միջոցով ծառայողների կատարողականը կգնահատվի ավտոմատ՝ հստակ չափորոշիչներով։
«Եթե պարեկն իր աշխատանքը ճիշտ է կատարել, ըստ կշիռների գնահատումը կհաշվարկվի և արդյունքը ավտոմատ կձևավորվի»,- նշեց նա։
Արփինե Սարգսյանն ընդգծեց, որ ծառայողները հնարավորություն կունենան բարձրացնել իրենց արդյունքները կատարողականի գնահատման փուլում, ինչը հետագայում կազդի նաև ատեստավորման արդյունքների վրա։
Անդրադառնալով ոստիկանների պատրաստվածությանը՝ Սարգսյանը նշեց, որ վերապատրաստումները դարձել են պարտադիր։ Նրա խոսքով՝ դա անհրաժեշտ է համակարգում առկա խնդիրներին արագ արձագանքելու և ոստիկանության նկատմամբ հանրային վստահությունը բարձր պահելու համար։ Նա նաև հիշեցրեց, որ 2026 թվականի փետրվարին Միջազգային հանրապետական ինստիտուտի հրապարակած հարցման համաձայն՝ ոստիկանության նկատմամբ վստահությունը հասել է 61 տոկոսի։
Մանրամասները՝ տեսանյութում։
