26.08.2026 | 16:39
«Ուրախ ավտոբուսի» ուղևորների համար study tour նախատեսու՞մ եք Գորիս-Կապան ճանապարհով. Ղազարյան․ ՏԵՍԱՆՅՈՒԹ
Հսկայական ջանքեր ենք գործադրել Ադրբեջանի և Հայաստանի միջև խաղաղության համար. Ֆիդան
13.04.2026 | 16:44
Անկարան հսկայական ջանքեր է գործադրել Ադրբեջանի և Հայաստանի միջև խաղաղության հասնելու համար՝ սկսած ուժի չափավոր կիրառումից մինչև որակյալ դիվանագիտություն։ Այս մասին հայտարարել է Թուրքիայի ԱԳ նախարար Հաքան Ֆիդանը՝ հավելելով, որ երկիրը սահման ունի Կովկասում, և այստեղ պատերազմներն ու անկայունությունն ազդում են նաև Թուրքիայի վրա։
«Հետևաբար, մենք շատ լուրջ ջանքեր ենք գործադրում այնտեղ կարգուկանոնի և անվտանգության ապահովման, անվտանգային համակարգի հետ կապված։ Մենք հսկայական ջանքեր ենք գործադրել Ադրբեջանի և Հայաստանի միջև խաղաղության հասնելու համար՝ սկսած ուժի չափավոր կիրառումից մինչև որակյալ դիվանագիտություն, տարածաշրջանային երկրներին և համաշխարհային տերություններին հավասարման մեջ պահելով, որպեսզի այնտեղ թեժ հակամարտությունը չազդի Թուրքիայի վրա»,- նշել է Ֆիդանը։
Նա ընդգծել է, որ Անկարան շատ մեծ ռազմավարական գոտի ունի Մերձավոր Արևելքում, Կովկասում, Սև ծովում և Միջերկրական ծովում, ինչպես նաև եվրոպական անվտանգության մեջ։ Եվրոպական անվտանգությունը միշտ ձևավորվել է ՆԱՏՕ-ի հովանու ներքո, և Թուրքիան դեր է խաղացել այդ համատեքստում, վստահեցրել է թուրք պաշտոնյան։
Թարգմանությունը՝ Էմմա Չոբանյանի
