17.08.2026 | 17:00
Երևանում երեկոյան ժամերին սպասվում է քամու ուժգնացում
Կառավարության առաջիկա հինգ առաջնահերթություններից մեկը լինելու է ջրի խնդրի լուծումը․ Փաշինյան
Քաղաքականություն
12.04.2026 | 20:50
Հայաստանի գրեթե բոլոր համայնքներում առկա է ջրի հետ կապված խնդիր, հետևաբար կառավարության առաջիկա հինգ առաջնահերթություններից մեկը լինելու է ջրի խնդրի լուծումը։
«Արմենպրես»-ի հաղորդմամբ՝ այդ մասին Եղվարդ համայնքում շրջայցի ժամանակ քաղաքացիների հետ շփվելիս հայտնեց Նիկոլ Փաշինյանը՝ անդրադառնալով, մասնավորապես, Եղվարդի ջրամբարի հետ կապված խնդրին։
«Եղվարդի ջրամբարի խնդրի շուրջ մտածում ենք։ Նախապես նախագծվել էր, որ ջրի մի մասը պետք է մղվեր պոմպակայանով, բայց այժմ նախագիծն անիրագործելի է, որովհետև այդքան էլեկտրաէներգիա չկա։ Մտածում ենք այնպիսի նախագիծ իրականացնել, որպեսզի ջուրը գա և ջրամբարի մեջ լցվի ինքնահոս եղանակով։ Կարող է մասշտաբը փոխելու անհրաժեշտություն լինի։ Ծավալը փոքրացնենք և այդպես կառուցենք ջրամբարը»,- ասաց Փաշինյանը։
Վարչապետը հավելեց, որ գրեթե բոլոր համայնքներում մարդիկ խոսում են ջրի խնդրի մասին, մինչդեռ Հայաստանը հասել է զարգացման այնպիսի կետի, որ առանց ջրային ռեսուրսների ճիշտ կառավարման երկրի հետագա զարգացում չի լինի։
