05.10.2026 | 13:51
Էստոնիան «արմատական վերախմբավորում» է սկսել՝ զորքերը տեղափոխելով ՌԴ սահմանին ավելի մոտ
ԱԺ պատգամավոր Արթուր Սարգսյանը տնային կալանքի տակ կմնա
Քաղաքականություն
12.04.2026 | 14:54
Վերաքննիչ քրեական դատարանը՝ նախագահությամբ դատավոր Աննա Մաթևոսյանի, մերժել է ՀՀ Ազգային ժողովի պատգամավոր Արթուր Սարգսյանի նկատմամբ տնային կալանքի ժամկետը երկարաձգելու որոշման դեմ պաշտպանության կողմի ներկայացրած հատուկ վերանայման բողոքը։ Այս մասին հայտնում է փաստաբան Էմին Խաչատրյանը։
Նշենք, որ Սարգսյանի նկատմամբ 2025-ի դեկտեմբերի 1-ից խափանման միջոց է ընտրվել տնային կալանքը և գրավը։ Պատգամավորը կալանավորված էր 2025-ի հուլիսի 8-ից։
Արթուր Սարգսյանը, Բագրատ արքեպիսկոպոս Գալստանյանն ու մի խումբ անձինք մեղադրվում են իշխանությունը յուրացնելու նախապատրաստության համար։ Ըստ մեղադրական եզրակացության՝ «Սրբազան պայքար» շարժման միջոցով սահմանադրական ճանապարհով իշխանության հասնելու փորձի ձախողվելուց հետո՝ 2024-ի նոյեմբերից, Գալստանյանն ու շարժման մի շարք մասնակիցներ խմբով նախապատրաստվել են իշխանությունը զավթելուն։ Մեղադրանքի համաձայն՝ նրանք ձեռք են բերել «ահաբեկչություն կատարելու և իշխանությունը զավթելու համար անհրաժեշտ միջոցներ ու գործիքներ»։
