15.08.2026 | 14:00
Քեմբրիջի նախկին պրոֆեսոր Ջեյսոն Արդեյին մահացած են հայտնաբերել․ նա հեռացել էր համալսարանից գրագողության մեղադրանքներից հետո
Բաքվում դեռ կան գերիների, օր առաջ էս մարդիկ պետք է ազատ արձակվեն․ Միրզոյան․ ՏԵՍԱՆՅՈՒԹ
Հասարակություն
10.04.2026 | 15:19
Բաքվում պահվող հայ գերիների ազատ արձակումն առանցքային նշանակություն ունի Հայաստանի և Ադրբեջանի միջև խաղաղության ամրապնդման համար։ Այս մասին հայտարարել է ՀՀ ԱԳ նախարար Արարատ Միրզոյանը Էստոնիայի գործընկեր Մարգուս Ցահքնայի հետ համատեղ ասուլիսում։
«Ցավոք սրտի, բոլոր հարցերը չէ, որ լուծված են։ Բաքվում դեռ կան գերիներ, պահվող անձինք, և մեր դիրքորոշումը նույնն է՝ այս մարդիկ պետք է օր առաջ ազատ արձակվեն։ Մենք վստահ ենք, որ նրանց ազատ արձակումը միայն կգա ամրապնդելու հաստատված խաղաղությունը»,- ասաց Արարատ Միրզոյանը։
Նա նշեց, որ շարունակվում է երկխոսությունն Ադրբեջանի հետ այս թեմայով, և սա օրակարգի առաջնային հարցն է։ Հավելեց, որ այս հարցով Հայաստանը խոսում է նաև միջազգային գործընկերների հետ։
Մարգուս Ցահքնան իր հերթին հավելեց, որ խաղաղության հաստատումը պատմական քայլ է, որը հիմք է ստեղծում տարածաշրջանի բարգավաճման և տնտեսական զարգացման համար՝ նշելով, որ բոլոր առկա խնդիրները հնարավոր չէ լուծել մեկ օրում։
Մանրամասները՝ տեսանյութում։
