30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Այնթապում գողացված դրամապանակի քարտից 114 հազար դրամ է կանխիկացվել, կասկածյալը ձերբակալվել է
Հասարակություն
10.04.2026 | 16:50
Համայնքային ոստիկանության Մասիսի բաժնի ծառայողները հայտնաբերել և ձերբակալել են 42-ամյա մի տղամարդու, որը կասկածվում է Այնթապ գյուղում գողացված դրամապանակում եղած բանկային քարտից 114 հազար դրամ կանխիկացնելու մեջ։ Ըստ ոստիկանության՝ գողոնը ամբողջությամբ հայտնաբերվել է, իսկ դեպքի հանգամանքները պարզվում են նախաքննությամբ։
«Ապրիլի 8-ին Համայնքային ոստիկանության Մասիսի բաժնի ծառայողները ստացել են օպերատիվ տեղեկություն, որ Երևանի Լեփսիուսի փողոցի բնակիչ տղամարդը, նախորդ օրը Այնթապ գյուղում գողացված դրամապանակում եղած բանկային քարտից գումար է կանխիկացրել։
Հետագա միջոցառումների արդյունքում 42-ամյա տղամարդը հայտնաբերվեց մայրաքաղաքի Նորաշխարհյան փողոցում, գողություն կատարելու կասկածանքով ձերբակալվեց և իր վարած մեքենայով տեղափոխվեց Մասիսի բաժին։
Նա խոստովանեց, որ նախորդ գիշերը՝ ժամը 01։40-ի սահմաններում, վերցրել է դրամապանակը և բանկային քարտից կանխիկացրել 114 հազար դրամ։
Գողոնը ամբողջությամբ հայտնաբերվել է։
42-ամյա տղամարդն ու կազմված փաստաթղթերը ներկայացվել են Մասիսի քննչական բաժին։ Նախաքննությամբ հանգամանքները պարզվում են»,- ասված է հաղորդագրությունում։
