17.08.2026 | 15:44
ՌԴ-ում քրգործ է հարուցվել «Դոժդ»-ի հիմնադիր Նատալյա Սինդեևայի դեմ՝ «անցանկալի» կազմակերպություն հիմնելու համար
Վարկ՝ ՏԻՄ ընտրությունների համար. ինչպես է ֆինանսավորվել «Ապրելու երկիր»-ը 2025-ին
Քաղաքականություն
10.04.2026 | 14:25
«Ապրելու երկիր» կուսակցության հաշվին 2025-ին ընդհանուր 22․4 մլն դրամ է մուտք եղել։ Դրանից 8․4 մլն դրամը նվիրատվություն է, որ ստացվել է հիմնականում կուսակցության 10 անդամներից։ Միաժամանակ, անդամավճարներն ընդամենը 30 հազար դրամ են կազմել, իսկ վճարողները 2-ն են՝ Ռուզաննա և Պետրոս Մարկոսյաններ։
Անցած տարի կուսակցությունը ծախսել է 21․6 մլն դրամ, որից 841 հազարը հարկեր և տուրքեր են, 7․5 մլնը գույքի վարձակալության վճար է։
2025-ին կուսակցությունը 12 մլն դրամ վարկ է վերցրել «Գառնի Ինվեստ ՈՒՎԿ»-ից, որից 3․2 մլնը արդեն մարել է։ Մոտ 10 մլն դրամ «Ապրելու երկիր»-ը ծախսել է Փարաքարում և Գյումրիում ՏԻՄ ընտրությունների նախընտրական արշավի վրա։ Ընդ որում՝ 2 մլն դրամ նախընտրական գրավը կուսակցությունը ետ է ստացել։
Հիշեցնենք, որ 2025-ի մարտի 30-ին Փարաքար համայնքում կուսակցության թիմը հաղթել էր՝ ստանձնելով համայնքի ղեկավարումը։
2026-ի մարտին «Ապրելու երկիր»-ը հայտարարել է հունիսի 7-ի խորհրդարանական ընտրություններին մասնակցելու մասին։
Գայանե Խաչատրյան
