17.08.2026 | 19:06
ՀՔԱՎ-ը գնահատել է ԶՈՒ բարեփոխումներին ուղղված ՀՀ կառավարության 2021 – 2026 թթ. գործողությունները
«Հայաստան» համահայկական հիմնադրամի բիտումի գնման գործով վերականգնվել է 111.9 մլն դրամ
10.04.2026 | 11:05
Քննչական կոմիտեում քննվող քրեական վարույթով պարզվել է, որ բիտումի ձեռքբերման մրցույթի շրջանակում «Հայաստան» համահայկական հիմնադրամին ներկայացվել են կեղծ հաշիվ-ապրանքագրեր, ինչի հետևանքով պետությանը, նախնական հաշվարկով, պատճառվել է 171.5 մլն դրամի վնաս։ ՔԿ-ից հայտնում են, որ գործով երեք անձի նկատմամբ հարուցվել է հանրային քրեական հետապնդում, իսկ վնասից 111.9 մլն դրամն արդեն վերականգնվել է։
«2026 թվականի ապրիլի 9-ին պետությանը պատճառված վնասից վերականգնվել է 111 միլիոն 900 հազար դրամը:
Քննչական կոմիտեում քննվող քրեական գործով պարզվել է, որ 2015 թվականի ապրիլի 8-ին «Հայաստան» համահայկական հիմնադրամի կողմից 14.000 տոննա բիտումի ձեռքբերման վերաբերյալ հայտարարված մրցույթին մասնակցած և հաղթող ճանաչված ընկերությունը 2016 թվականի օգոստոսից մինչև նոյեմբերն ընկած ժամանակահատվածում կազմել և «Հայաստան» համահայկական հիմնադրամին է ներկայացրել կեղծ հաշիվ ապրանքագրեր, որի արդյունքում պետությանը, նախնական հաշվարկով, պատճառվել է 171 միլիոն 515 հազար դրամի վնաս։
Դատախազը 2026 թվականի ապրիլի 7-ին հանրային քրեական հետապնդումներ է հարուցել ՓԲ ընկերության տնօրեն Ա.Ա.-ի նկատմամբ՝ 18.04.2003 թվականին ընդունված Քրեական օրենսգրքի 38-205-րդ հոդվածի 2-րդ մասով (առանձնապես խոշոր չափերով հարկել չվճարելուն օժանդակելը), ՍՊ ընկերության հիմնադիր Ա.Մ.-ի նկատմամբ՝ 38-205-րդ հոդվածի 2-րդ մասով (առանձնապես խոշոր չափերով հարկել չվճարելը կազմակերպելը) և ՍՊ ընկերության տնօրեն Խ.Հ.-ի նկատմամբ՝ 205-րդ հոդվածի 2-րդ մասով (առանձնապես խոշոր չափերով հարկեր վճարելուց չարամտորեն խուսափելը):
Քրեական վարույթի ընթացքում վերականգնվել է պետությանը պատճառված վնասից 111 միլիոն 900 հազար դրամը:
Նախաքննությունն ընթացքի մեջ է»,- ասված է հաղորդագրությունում։
