17.08.2026 | 17:00
Երևանում երեկոյան ժամերին սպասվում է քամու ուժգնացում
Ուկրաինան և Ռուսաստանը զոհերի մարմիններ են փոխանակել
Քաղաքականություն
09.04.2026 | 17:41
Ռուսաստանը Ուկրաինային է հանձնել զոհված զինծառայողների ավելի քան 1000 մարմին, ՌԲԿ-ին ասել է Պետդումայի պատգամավոր Շամսաիլ Սարալիևը, որը «հատուկ ռազմական գործողության» (պատերազմի) խորհրդարանական համակարգող խմբի անդամ է։ Նրա խոսքով՝ Ուկրաինան Ռուսաստանին է հանձնել 41 ռուս զինծառայողի մարմին, գրում է Meduza-ն։
Պետական ՏԱՍՍ լրատվական գործակալությունը նույնպես հաղորդել է մարմինների փոխանակման մասին՝ հղում անելով աղբյուրին, առանց մանրամասներ բացահայտելու։
Ուկրաինայի ռազմագերիների հետ վարվելակերպի համակարգող շտաբը չի մեկնաբանել Ռուսաստանի հետ զոհված զինվորների մարմինների փոխանակումը։
Ռուսաստանի և Ուկրաինայի միջև զոհերի մարմինների նախորդ փոխանակման մասին փետրվարի 26-ին հայտնել էր Ռուսաստանի նախագահի օգնական Վլադիմիր Մեդինսկին։ Նրա խոսքով, Ռուսաստանը հանձնել էր 1000 ուկրաինացի զինվորի մարմին, իսկ Ուկրաինան՝ 35 ռուս զինվորի։
Թարգմանությունը`Էմմա Չոբանյանի
