10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Լիբանանում Իսրայելի հարվածների հետևանքով տասնյակ մարդիկ են զոհվել, հարյուրավորները՝ վիրավորվել
Քաղաքականություն
08.04.2026 | 19:28
Լիբանանի առողջապահության նախարարությունը հայտնել է, որ չորեքշաբթի օրը երկրում Իսրայելի կողմից իրականացված մի շարք հարվածների հետևանքով զոհվել են տասնյակ մարդիկ, իսկ հարյուրավորները վիրավորվել։
«Շատ լուրջ սրման պայմաններում Իսրայելի ռազմական ինքնաթիռները միաժամանակյա ավիահարվածներ են հասցրել Լիբանանի մի քանի տարածքների վրա, որի արդյունքում, նախնական տվյալներով, զոհվել են տասնյակ մարդիկ, հարյուրավոր վիրավորներ կան», – ասվում է նախարարության հայտարարության մեջ։
Նախարարությունը վերահաստատել է քաղաքացիներին ուղղված կոչը՝ «նվազեցնել երթևեկության խցանումները, հատկապես մայրաքաղաքի թաղամասերում, որպեսզի առաջնահերթություն տրվի փրկարարական և շտապօգնության ծառայություններին»։
Իսրայելի պաշտպանության նախարար Իսրայել Կացը հայտարարել է, որ բանակը չորեքշաբթի օրը անակնկալ հարձակում է իրականացրել Լիբանանի տարբեր մասերում՝ թիրախավորելով «Հըզբոլլահ» շարժման հարյուրավոր անդամների։
«Իսրայելի պաշտպանության բանակը անակնկալ հարված է հասցրել Լիբանանի տարբեր հրամանատարական կենտրոններում գտնվող «Հըզբոլլահի» հարյուրավոր ահաբեկիչներին։ Սա «Բիպերս» գործողությունից ի վեր «Հըզբոլլահի» կրած ամենամեծ կենտրոնացված հարվածն է», – ասել է Կացը տեսաուղերձում՝ անդրադառնալով 2024 թվականին «Հըզբոլլահի» դեմ իրականացված խոշոր գործողությանը, որը ներառում էր փեյջերների ռումբերը։
Նշենք, որ առավոտից Իսրայելը հարվածներ է հասցնում Լիբանանին։
Թարգմանությունը`Էմմա Չոբանյանի
