26.10.2026 | 10:50
Այո՛, փաթեթը մշակվել է Աննա Հակոբյանի արշավի շրջանակներում․ ՆԳ նախարարը ներկայացրեց նախագիծը․ ՏԵՍԱՆՅՈՒԹ
Ձերբակալվել են Գալուստ Սահակյանի որդին` Արման Սահակյանը և այլ նախկին պաշտոնյաներ
Հասարակություն
08.04.2026 | 13:21
Ձերբակալվել են ՀՀԿ-ական նախկին պատգամավոր, Պետական գույքի կառավարման վարչության նախկին պետ Արման Սահակյանը և մի շարք նախկին բարձրաստիճան պաշտոնյաներ։ Լրատվամիջոցներում տարածվող տեղեկությունը Factor.am-ին հաստատեցին Հակակոռուպցիոն կոմիտեից։
«Հակակոռուպցիոն կոմիտեում քննվող քրեական վարույթի շրջանակներում ՀՀ քրեական օրենսգրքի տարբեր հոդվածներով նախատեսված հանցավոր արարքներ կատարելու մեղադրանքներով ձերբակալվել են մի շարք անձինք, այդ թվում՝ Պետական գույքի կառավարման վարչության պետի պաշտոնը զբաղեցրած անձը և այլ նախկին բարձրաստիճան պաշտոնյաներ: Նախաքննության շահերից ելնելով՝ այլ տեղեկատվություն չենք կարող տրամադրել»,- հայտնեցին կոմիտեից։
Հիշեցնենք, որ Արման Սահակյանին մեղադրանք էր առաջադրվել 2020 թվականին։ Նրան մի քանի այլ անձանց հետ Երևանի դպրոցներից մեկին կից հողակտորի օտարման հետ կապված քրգործի շրջանակում ներգրավվել էին որպես մեղադրյալ։ Նրա նկատմամբ որպես խափանման միջոց էր կիրառվել 5 մլն դրամ գրավը։
2024-ին կոմիտեն հայտնել է, որ Արման Սահակյանը վերականգնել է պետությանը պատճառած 178 մլն դրամը։
2025 թվականի հունվարին դատարանի որոշմամբ Արման Սահակյանը չկալանավորվեց, նրա նկատմամբ կիրառվեց այլընտրանքային խափանման միջոց` վարչական հսկողություն։
Արման Սահակյանը 2011-2018թթ-ին եղել է ՀՀ կառավարությանն առընթեր պետական գույքի կառավարման վարչության պետը:
Անի Թամրազյան
