06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Սպիտակում շնամարտ կազմակերպելու դեպքով քրեական վարույթ է նախաձեռնվել
Հասարակություն
06.04.2026 | 15:36
Սպիտակում շնամարտ կազմակերպելու դեպքի փաստով քրեական վարույթ է նախաձեռնվել։ Այս մասին Factor.am-ին հայտնեց Քննչական կոմիտեի մամուլի քարտուղար Կիմա Ավդալյանը։ Վարույթը նախաձեռնվել է ֆիզիկական ներգործության (Քրեական օրենսգրքի 195-րդ հոդվածի 2-րդ մասի 5-րդ կետ), խուլիգանության (297-րդ հոդվածի 2-րդ մասի 1-ին կետ) և կենդանիների նկատմամբ դաժան վերաբերմունքի (307-րդ հոդվածի 2-րդ մասի 1-ին կետով) հատկանիշներով:
Ապրիլի 4-ին կենդանապաշտպաններն էին ահազանգել, որ Սպիտակում շնամարտ է կազմակերպվել։ Հրապարակված տեսանյութերում երևում է, որ մի քանի կանայք հորդորում են կազմակերպիչներին դադարեցնել կենդանիների նկատմամբ խոշտանգումը և դաժան վերաբերմունքը: Հավաքված տղամարդիկ, սակայն, վիրավորում և կոպտում են այդ կանանց՝ անպարկեշտ խոսույթով փորձելով նրանց հեռացնել տարածքից:
ՆԳՆ-ից Factor.am-ին փոխանցեցին, որ ահազանգից հետ ՆԳՆ համայնքային ոստիկանության Սպիտակի բաժնի ծառայողները անմիջապես արձագանքել են։
«Նրանք կենդանու նկատմամբ դաժան վերաբերմունքի, խուլիգանության և ֆիզիկական ներգործության կասկածանքով ձերբակալել և Քննչական կոմիտե են ներկայացրել 3 անձի: Բացի այդ՝ ՆԳՆ ոստիկանության բաժնի պահպանվող տարածք է տեղափոխվել 5 տրանսպորտային միջոց, որոնց մեջ եղել է 8 շուն»,- ասաց ՆԳՆ մամուլի խոսնակ Նարեկ Սարգսյանը։
Անի Թամրազյան
