16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Պնդումը կեղծ է․ մեքենա վարող ադրբեջանցու տեսանյութը Երևանում չի նկարահանվել․ ՏԵՍԱՆՅՈՒԹ
Հասարակություն
06.04.2026 | 12:00
Սոցցանցերի հայկական տիրույթում տարածվում է մի տեսանյութ, որտեղ երևում է, թե ինչպես է մի երիտասարդ մեքենա վարում՝ ադրբեջանական բարձր երաժշտություն լսելով։ Օգտատերերից շատերը պնդում են, թե ադրբեջանցին Հայաստանում է։ Երևում է, որ դիմացից երթևեկում է հայկական պետհամարանիշով ավտոմեքենա, և, հավանաբար, հենց այս հանգամանքն է հիմք տվել պնդելու, որ տեսանյութը նկարահանվել է Հայաստանում։
Ուշագրավ է, որ տեսանյութն այնպես է նկարահանված և մոնտաժված, որ մյուս մեքենաների պետհամարանիշները տեսանելի չեն։
Տեսանյութը լայնորեն շրջանառվում է նաև քաղաքական ենթատեքստով, մասնավորապես՝ պնդումներով, թե «Նիկոլ Փաշինյանի բերած խաղաղության շրջանակներում ադրբեջանցիները եկել են Հայաստան»։
Factor.am-ը պարզեց, որ տեսանյութն իրականում Հայաստանում չի նկարահանվել։ Դա պարզ է դառնում ճանապարհային նշանների ուսումնասիրությամբ։ Կադրերում մի պահ երևում է վճարովի կայանատեղի ճանապարհային նշանների համադրություն, որը կարելի է հանդիպել Թբիլիսիում։
Ընդհանուր առմամբ, տեսանյութում առկա ճանապարհային նշանները բնորոշ են եվրոպական ստանդարտներին և լայնորեն կիրառվում են տարբեր երկրներում։
Երևանի վճարովի կայանատեղերում ճանապարհային նշանների նման համադրություն չի հանդիպում։
Այսպիսով, պնդումը, թե ադրբեջանցին եկել է Հայաստան, մեքենա է վարում և բարձրաձայն ադրբեջանական երաժշտություն լսում, չի համապատասխանում իրականությանը։
Նարեկ Կիրակոսյան
