26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Ալեն Սիմոնյանը փողոցում հայհոյելուց հետո ՔԿ չի հրավիրվել
Հասարակություն
04.04.2026 | 14:28
«Որևէ տեղ չեմ հրավիրվել». Factor.am-ի հարցին ի պատասխան ասաց ԱԺ նախագահ Ալեն Սիմոնյանը, երբ հետաքրքրվեցինք` արդյո՞ք ԱԺ-ի հարևանությամբ ընդդիմադիր Միքայել Մարգարյանի հետ հայհոյախառն միջադեպից հետո հրավիրվել է Քննչական կոմիտե։
«Ենթադրում էի, որ գարծընթաց կլինի, բայց չկա»,- ասաց ԱԺ նախագահը։
Ալեն Սիմոնյանը մարտի 26-ին հերթական աղմկոտ միջադեպի կենտրոնում էր հայտնվել. hայհոյանքով էր պատասխանել իրեն հայհոյած ընդդիմադիր Միքայել Մարգարյանին։
Նշենք, որ ի տարբերություն Ալեն Սիմոնյանի, Միքայել Մարգարյանն անցնում է քրեական գործով` մեղադրյալի կարգավիճակ ունի։ Ավելի վաղ կոմիտեից հայտնել էին, որ քրեական վարույթի նախաքննության ընթացքում նրա նկատմամբ հարուցվել է հանրային քրեական հետապնդում՝ տեղեկատվական կամ հաղորդակցական տեխնոլոգիաներն օգտագործելով խուլիգանություն կատարելու համար։
Նարեկ Կիրակոսյան
